کراچی (نیوز ایجنسیاں) ٹی ٹوئنٹی کے بعد کرکٹ کا مزاج مکمل طور پر جارحانہ ہو چکا ہے لیکن پاکستانی کھلاڑی آج بھی ٹک ٹک ہی کرتے رہتے ہیں جس کا بڑا مظاہرہ ویسٹ انڈیز کے خلاف جاری ٹیسٹ سیریز میں دیکھنے میں آیا۔ ویسٹ انڈیز کے خلاف جاری ٹیسٹ سیریز میں قومی ٹیم کو پانچ اننگزوں میں مجموعی طور پر 2 ہزار 822 گیندوں کا سامنا کرنا پڑا اور اس کے جانباز کھلاڑیوں نے 2 ہزار 261 گیندوں کو تکلیف پہنچنے کے اندیشے کے پیش نظر چھونا بھی گوارا نہیں کیا اور ان پر کوئی رن سکور نہیں کیا۔پاکستان اور ویسٹ انڈیز کے درمیان تیسرا ٹیسٹ میچ جاری ہے جس کی پہلی اننگز میں قومی ٹیم نے 376 رنز سکور کیے۔ اب تک تین ٹیسٹ میچز کی پانچ اننگزوں کے دوران قومی ٹیم کو ویسٹ انڈیز کے بالرز نے 2 ہزار 822 گیندیں کرائیںلیکن شاہینوں نے ان میں سے 2 ہزار 261 گیندوں کو اپنے پروں کیلئے خطرناک سمجھا اور ان سے کنی کترانے میں ہی عافیت جانی۔ قومی ٹیم کے بلے باز صرف 561 گیندوں پر ہی پرنز سکور کرنے میں کامیاب ہو سکے۔پہلے ٹیسٹ میچ میں ٹیم پاکستان کے بلے بازوں نے 892 گیندوں کا سامنا کیا جن میں سے 700 گیندیں ضائع ہوئیں اور شاہینوں نے صرف192 گیندوں پر رنز سکور کیے۔ اسی طرح دوسرے ٹیسٹ میچ میں ویسٹ انڈین بالرز نے ایک ہزار 48 گیندیں کرائیں جن میں سے پہلی اننگز میں 183 اور دوسری اننگز میں صرف 186 گیندوں پر رنز بن سکے۔ تیسرے ٹیسٹ میچ کی پہلی اننگز میں قومی کرکٹ ٹیم نے 876 گیندوں کا سامنا کیا جن میں سے صرف 173 پر رنز بن سکے جبکہ 703 گیندیں ضائع ہوگئیں۔ واضح رہے کہ کپتان مصباح الحق نے تیسرے ٹیسٹ کی پہلی اننگز میں 148 گیندوںپر 59 رنز سکور کیے تاہم انہوں نے ابتدائی 50 گیندوں پر صرف 1 رن سکور کرکے نیا ریکارڈ بھی قائم کیا تھا۔

روسیو(نیوزایجنسیاں)پاکستان ٹیسٹ ٹیم کے قائد مصباح الحق نے کہا ہے کہ غیر اخلاقی اور ذاتیات پر تنقید سے غصہ آتا ہے لہذا میڈیا پالیسی کا ازسر نو جائزہ لے۔برطانوی نشریاتی ادارے سے گفتگو کرتے ہوئے انہوں نے کہا کہ جب غیر اخلاقی اور ذاتیات پر تنقید کی جاتی ہے تو غصہ آتا ہے، مسلمان ہونے کی بناء پر ہم یہ کہتے تو ہیں کہ کسی کو دکھ نہیں دینا چاہیے لیکن ان باتوں پر عمل کوئی نہیں کرتا، تنقید برائے تنقید کرنے والے میڈیا کو اپنی پالیسی کا ازسر نو جائزہ لینے کی ضرورت ہے، جس طرح بعض اوقات کرکٹرز کی کردار کشی اور ان کی نجی زندگی کو اچھالا جاتا ہے، ایسا نہ ہو کہ والدین بچوں کو کھیلوں میں بھیجنا ہی بند کر دیں۔مصباح نے کہا کہ کرکٹ کے میدان کی طرح عام زندگی میں بھی بہت زیادہ اور جلدی ردعمل ظاہر نہیں کرتا اور معاملات ہلکے پھلکے انداز میں نمٹاتا ہوں، کرکٹ کی مصروفیات کے سبب میانوالی جانے اور پرانے دوستوں سے ملنے کا موقع بہت کم ملا لیکن یہ وہ سچے دوست ہیں جن کی دوستی کبھی ختم ہونے والی نہیں ہے۔ انہوں نے کہا کہ پرانی یادوں کو بہت زیادہ محسوس کرتا ہوں اور ریٹائرمنٹ کے بعد ان تمام لوگوں سے دوبارہ مل کر پرانی یادیں تازہ کروں گا، میانوالی کے لوگ ذہنی و جسمانی طور پر بہت مضبوط ہیں لیکن وہاں کھیل کے میدان نہیں ہیں، خواہش ہے کہ وہاں تعلیم، صحت اور کھیل کی حالت بہتر کرنے کے لئے دوستوں کے ساتھ مل کر اپنا کردار ادا کروں۔

لاہور( نیوزایجنسیاں)مرد بحران یونس خان نے کیرئیر میں کئی اہم ریکارڈ اپنے نام کئے ہیں۔ سابق ملکی کپتان کو گزشتہ سال انگلینڈ کےخلاف کھیلی گئی ٹیسٹ سیریز میں شاندار کارکردگی دکھانے پر وزڈن کرکٹرز آف دی ائیر کے کیلنڈر کے 2017ایڈیشن میں شامل کیا گیا۔ اور اب انہیں اس کیلنڈر کا ایک خاص لیدربانڈ ایڈیشن دینے کا اعلان بھی کیا گیا ہے جو 18 مئی کو لارڈز کے تاریخی میدان میں ان کے حوالے کر کے کرکٹ کیلئے ان کی انتھک خدمات کو خراج تحسین پیش کیا جائے گا۔

لاہور( آن لائن ) پی ایس ایل سپاٹ فکسنگ کیس میں کرکٹر محمد نواز نے اینٹی کرپشن یونٹ کے سامنے بیان ریکارڈ کرواتے ہوئے اپنی غلطی تسلیم کر لی۔تفصیلات کے مطابق محمد نواز کا اپنے بیان میں کہنا تھا کہ ان سے بکیز نے خود رابطہ کیا تھا۔ انہوں نے کہا کہ ملاقات میں کوئی ڈیل نہیں ہوئی تھی۔ پی ایس ایل فکسنگ کیس میں کرکٹر پی سی بی اینٹی کرپشن یونٹ کے سامنے پیش ہوئے، ان سے ایک گھنٹے تک مختلف سوالات پوچھے گئے۔ذرائع کے مطابق آسٹر یلیا کے خلاف دوسرے ون ڈے سے قبل بکیز نے محمد نواز سے رابطہ کیا تاہم کرکٹر نے پی ایس ایل کے دوران 12 فروری کو اینٹی کرپشن یونٹ کو آگاہ کیا۔ محمد نواز سے پوچھ گچھ میں ان کے تاخیر سے اے سی یو کو آگاہ کرنے کی وجوہات کے حوالے سے سوالات کئے گئے۔

روسیو(یو این پی)قومی مڈل آرڈر بیٹسمین بابر اعظم کا کہنا ہے کہ پاکستانی بیٹسمین کسی بھی قسم کے دباو¿ کا شکار نہیں اور دوسرے ٹیسٹ کی ناکامی کو بھلا کر آگے بڑھ چکے ہیں۔ بابر اعظم نے اس دعوے کو مسترد کیا کہ قومی بیٹسمین دوسرے ٹیسٹ کی ناکامی کے بعد دباو¿ کا شکار ہیںاور ٹیم تیسرے ٹیسٹ کی پہلی اننگز میں بہت زیادہ سلوکھیلی۔ ون ڈاو¿ن بیٹسمین نے واضح کیا کہ ناکامی اور کامیابی کھیل کا حصہ ہے اور جو کچھ بھی گزشتہ میچ میں ہوا وہ ماضی کا قصہ بن چکا اور تمام بیٹسمین پراعتماد ہیں جن پر کسی بھی قسم کا کوئی دباو¿ نہیں ہے۔ تیسرے ٹیسٹ میں پہلے بیٹنگ کرتے ہوئے پاکستانی ٹیم کی منصوبہ بندی کے متعلق ان کایوا ین پی سے کہنا تھا کہ پاکستانی ٹیم کا پلان بالکل سادہ سا ہے کہ اچھا کھیلتے ہوئے کم سے کم وکٹیں ضائع کی جائیں اور کوشش کی جائے کہ شراکتیں قائم کر کے حریف ٹیم پر پریشر ڈالاجا سکے جو اس میچ میں اہمیت کا حامل ہوگا۔ ان کا کہنا تھا کہ اظہرعلی کے ساتھ کھیلتے ہوئے ان کی یہی کوشش رہی کہ اچھی شراکت قائم ہو تاکہ بعد میں آنے والے بیٹسمین دباو¿ کا شکار نہ ہوں کیونکہ وکٹ بالنگ اور بیٹنگ کیلئے سازگار ہے اور اسپن بالرز کو بھی کافی مدد مل رہی ہے۔