لاہور(ویب ڈیسک) پی ایس ایل اسپاٹ فکسنگ کے اہم کردارخالدلطیف کے وکیل نے دعویٰ کیاہے کہ ان کے موکل کوجرم تسلیم کرنے پراہم آفرکی گئی تھی۔ایک ویڈیو میں خالد لطیف کے وکیل نے دعوی کیا ہے کہ خالدلطیف کسی انکوائری سے نہیں بھاگ رہے۔ وکیل نے الزام عائد کیاکہ پی سی بی خالدلطیف کی کردارکشی کررہاہے۔ وکیل نے مزید الزام عائد کیاکہ کرنل اعظم نے آفرکی کہ ہماری بات مانوتوکلیئرکردینگے۔وکیل بدرعالم کاکہناتھا کہ 16فروری کوقذافی اسٹیڈیم میں ویڈیوانٹرویومیں آفرکی گئی۔بدرعالم نے مزید بتایاکہ ویڈیوکیس کااہم حصہ ہے،بورڈانٹرویوفراہم نہیں کررہا۔وکیل نے بتایاکہ بورڈ تاویلوں سے کام لے رہاہے اور کہتاہے کہ ویڈیوغلطی سےریکارڈنہ ہوسکی۔انھوں نے مزید کہاکہ پی سی بی کے پاس اس کیس میں کوئی گواہی یا شواہد نہیں ہیں۔

دبئی(ویب ڈیسک) پاکستان کو بنگلہ دیش سے ون ڈے رینکنگ میںآگے نکلنے کا موقع مل گیا ہے ، بنگلہ دیش کی ٹرائنگولر سیریز میں ناقص کارکردگی گرین شرٹس کو گھربیٹھے ون ڈے رینکنگ میں ساتویں پوزیشن دلا دے گی، نیوزی لینڈ سے دونوں اور آئرلینڈ سے ایک میچ ہارنے پربنگال ٹائیگرز آٹھویںنمبر پرپہنچ جائیں گے۔تفصیلات کے مطابق اس وقت ون ڈے رینکنگ میں بنگلہ دیشی ٹیم 91 پوائنٹس کے ساتھ ساتویں نمبر پر موجود ہے،وہ جمعے سے آئرلینڈ میں میزبان اور نیوزی لینڈ کیخلاف ٹرائنگولر سیریز میں شریک ہوگی جہاں پر اسے دونوں ٹیموں سے2،2 میچز کھیلنا ہیں۔ اس وقت بنگال ٹائیگرز کو آٹھویں نمبر پر موجود پاکستانی ٹیم پر 3 پوائنٹس کی برتری حاصل ہے، اس میں وہ ٹرائنگولر سیریز کے دوران مزید اضافہ کرکے اپنی ورلڈ کپ میں براہ راست انٹری کو یقینی بنا سکتا ہے،اس مقصدکیلئے اسے نیوزی لینڈ سے کم سے کم ایک اور آئرش ٹیم پر 2 میچز میں کامیابی حاصل کرنا ہوگی، اس صورت میں ٹیم کے پوائنٹس کی مجموعی تعداد 94 اور وہ چھٹے نمبر پر موجود سری لنکا سے بھی آگے نکل جائے گی، ایونٹ کے چاروں میچز میں کامیابی کی صورت میں پوائنٹس 97 تک جا پہنچیں گے۔اگر بنگال ٹائیگرز آئرلینڈ سے دونوں میچز جیتے اور کیویز سے دونوں ہار گئے تو پھر ان کے پوائنٹس 90 ہوں گے،مگر پاکستان سے پھر بھی 2 پوائنٹس آگے ہی ہوں گے۔

لاہور (ویب ڈیسک) پی ایس ایل فکسنگ کیس کی گتھیاں مزید الجھنے لگیں۔ ہر روز ایک نیا انکشاف ہوتا چلا جا رہا ہے۔ ذرائع کے مطابق، پی سی بی اینٹی کرپشن یونٹ نے پی ایس ایل کے دوران دبئی میں 9 کھلاڑیوں سے پوچھ گچھ کی تھی۔ ان کھلاڑیوں میں اوپننگ بلے باز احمد شہزاد اور آل راو¿نڈر عماد وسیم بھی شامل تھے۔ احمد شہزاد سے ٹی ٹونٹی ورلڈ کپ 2016ء میں نیوزی لینڈ کے خلاف میچ پر سوالات ہوئے جس میں اوپنر نے سست بیٹنگ کرتے ہوئے 32 گیندوں پر 30 رنز بنائے تھے۔تحقیقات کے بعد ذوالفقار بابر اور مخبر کا کردار ادا کرنے والے عمر امین کو کلین چٹ دیدی گئی جبکہ احمد شہزاد اور عماد وسیم ابھی بھی اینٹی کرپشن یونٹ کے ریڈار پر ہیں۔

کراچی (ویب ڈیسک)پاکستان کرکٹ بورڈ (پی سی بی) کے چیئرمین شہریار خان نے کہا ہے کہ مصباح اور یونس کیلئے بورڈ نے مستقبل کا پلان بنالیا ہے۔کراچی میں میڈیا سے گفتگو کرتے ہوئے شہریار خان نے کہا کہ دونوں کھلاڑیوں سے مشورے کے بعد انہیں ذمہ داریاں دینے کا فیصلہ کیا جائے گا۔انہوں نے کہا کہ شاہد آفریدی بہت بڑے کھلاڑی ہیں، کرکٹ میں شاہد آفریدی کی خدمات کو بھی سراہا جائےگا۔چیئرمین پی سی بی کا کہنا تھا کہ دوبار بنگلادیش میں کرکٹ کھیل چکے ،تیسری بار بنگلا دیش نہیں جانا چاہتے، بنگلادیش سے سیریز کھیلنا چاہتے ہیں۔