اسلام آباد(ویب ڈیسک) وزیر دفاع خواجہ محمد آصف نے کہا ہے کہ بھارتی جاسوس کلبھوشن کو قومی سلامتی کے منافی جرم پر سزا دی گئی جس پر عمل ہو گا، بھارت کا عالمی عدالت انصاف سے رجوع پاکستان کے اندر دہشتگردی سے توجہ ہٹانے کی کوشش ہے۔سماجی رابطے کی ویب سائٹ ٹویٹر پر اپنے بیان میں انھوں نے کہا کہ بھارتی جاسوس کی سزائے موت پر واویلا بھارت کی جانب سے پاکستان کے اندر ہونے والی دہشتگردی سے توجہ ہٹانے کی کوشش ہے ۔انھوں نے کہا کہ بھارتی جاسوس اور را کے ایجنٹ کلبھوشن کو قومی سلامتی کے منافی جرم پر سزائے موت دی گئی ، انہوں نے کہا کہ کلبھوشن کے خلاف تمام ثبوت اور شواہد موجود ہیں اور اس نے اپنے بیان میں بھی تسلیم کیا ہے کہ وہ را کیلئے جاسوسی کرنے آیا تھا ۔ اب اگر اس کو پاکستان کی جاسوسی کے الزام میں موت کی سزا سنا دی گئی ہے تو اس پر بھارتی واویلا بے سود اور پاکستان کے اندر ہونے والی دہشتگردی سے توجہ ہٹانے کی کوشش ہے۔

اسلام آباد (ویب ڈیسک ) چیف جسٹس آف پاکستان میاں ثاقب نثار نے عمران خان اور جہانگیر ترین کی نااہلی کی درخواستوں پر سماعت سے متعلق میڈیا سے بات کرنے پر مسلم لیگ (ن) کے رہنماءدانیال عزیز کی سرزنش کرتے ہوئے کہا کہ چیف جسٹس نے ریمارکس دیئے کہ اداروں سے متعلق لوگوں میں اعتماد پیدا کریں، یہ آپ کے ادارے ہیں، ان کو مضبوط کریں اور بے اعتباری اوربے اعتمادی کی بیماری کو ختم کریں، آپ کی آزادی اظہار رائے کیا ہے اس کی تشریح ہمیں کرنی ہے۔ ہم بہت تحمل کا مظاہرہ کررہے ہیں لیکن اب آخری بارکہہ رہے ہیں کہ عدالتوں کی تضحیک نہ کریں، دوسری صورت میں ہم اس کیس پر بات کرنے سے روک دیں گے۔ بدھ کو چیف جسٹس آف پاکستان جسٹس میاں ثاقب نثار کی سربراہی میں جسٹس عمر عطاءبندیال اور جسٹس فیصل عرب پر مشتمل 3 رکنی بینچ نے عمران خان اور جہانگیر ترین کی نااہلی سے متعلق مسلم لیگ (ن) کے رہنما حنیف عباسی کی جانب سے دائر درخواستوں کی سماعت کی، سماعت کے آغاز پر چیف جسٹس نے دانیال عزیز کی میڈیا سے گفتگو پر شدید برہمی کا اظہار کیا۔ چیف جسٹس نے دانیال عزیز کو روسٹرم پر بلا کر استفسار کیا کہ آپ سے کیا امتیازی سلوک کیا جارہا ہے۔ جس پر دانیال عزیز نے کہا کہ انہوں نے سپریم کورٹ نہیں الیکشن کمیشن سے متعلق کہا تھا، اگرعدالت سے متعلق کوئی غلطی ہوتومعاف کردیں۔ حنیف عباسی کے وکیل اکرم شیخ نے عدالت کے روبرو یقین دہانی کرائی کہ عدالتی حکم پر من و عن عمل کیا جائے گا۔چیف جسٹس نے ریمارکس دیئے کہ اداروں سے متعلق لوگوں میں اعتماد پیدا کریں، یہ آپ کے ادارے ہیں، ان کو مضبوط کریں اور بے اعتباری اوربے اعتمادی کی بیماری کو ختم کریں، آپ کی آزادی اظہار رائے کیا ہے اس کی تشریح ہمیں کرنی ہے۔ ہم بہت تحمل کا مظاہرہ کررہے ہیں لیکن اب آخری بارکہہ رہے ہیں کہ عدالتوں کی تضحیک نہ کریں، دوسری صورت میں ہم اس کیس پر بات کرنے سے روک دیں گے۔کیس کی سماعت کا باقاعدہ آغاز ہوا تو تحریک انصاف کے وکیل انور منصور نے حنیف عباسی کی درخواست کے قابل سماعت ہونے پراعتراض اٹھاتے ہوئے کہا کہ عمران خان نے 2013 کے عام انتخابات میں حنیف عباسی کو بھاری مارجن سے ہرایا حنیف عباسی نے تحریک انصاف کو غیر ملکی فنڈنگ لینے والی جماعت قرار دینے کی استدعا کی ہے ، غیر ملکی فنڈنگ لینے والی جماعت پر پابندی عائد ہوتی ہے ، اس پر چیف جسٹس نے کہا کہ اکرم شیخ پی ٹی آئی پر پابندی کے حوالے سے واضح کہ چکے کہ وہ پابندی نہیں چاہتے ۔انور منصور نے غیر ملکی شہریوں سے فنڈ وصول کرنے کے معاملے پر اپنے دلائل میں کہا کہ فنڈ، ایڈ اور کنٹری بیوشن میں فرق ہے، آئین کا سیکشن 6 امداد لینے کی اجازت دیتا ہے، قانون میں افراد سے فنڈز دینے کی اجازت ہے لیکن کسی غیر ملکی سے فنڈنگ لینے کا ذکر نہیں، اس لیے غیر ملکی بھی افراد ہی کے زمرے میں آتے ہیں۔ جسٹس عمرعطائ بندیال نے استفسار کیا کہ اکرم شیخ نے دلائل میں کہا کہ غیر ملکی کے فنڈ دینے پر پابندی ہے اور آپ نے اپنے جواب میں فنڈ دینے والوں کی دوہری شہریت کو تسلیم کیا ہے۔ جس پر انور منصور نے کہا کہ پاکستان کا کئی ممالک کے ساتھ دوہری شہریت کامعاہدہ ہے۔ کوئی بھی شخص بیک وقت پاکستانی اور امریکی شہریت رکھ سکتا ہے۔انور منصور کی دلیل پر چیف جسٹس نے استفسار کیا کہ کیا یہ قانون اب بھی رائج ہے، جس پر انور منصور نے بتایا کہ 2002 سے پہلے امریکی نژاد پاکستانیوں کو پاکستانی پاسپورٹ نہیں دیا جاتا تھا۔ 2002 کے بعد یہ معاملات طے پاگئے کہ اب دونوں پاسپورٹس رکھے جاسکتے ہیں۔ تحریک انصاف دوہری شہریت کے حامل افراد سے فنڈز لیتی ہے، جس کی تمام تفصیلات الیکشن کمیشن کو دی گئی ہیں۔ جس پر چیف جسٹس نے استفسار کیا کہ سیاسی جماعت کی تشکیل بنیادی حقوق میں آتی ہے، کیا سیاسی جماعت کی رجسٹریشن کا کوئی قانون موجود ہے اس پر انور منصور نے کہا کہ ہر سیاسی جماعت کے لئے انٹرا پارٹی الیکشن ضروری ہیں، اس کے علاوہ پارٹی کے اکاو¿نٹس کی تفصیلات فراہم کرنا بھی ضروری ہے،سیاسی جماعتوں کا آڈٹ چارٹرڈ اکاو¿نٹنٹ کرتے ہیں، اکاو¿نٹس کی تفصیلات الیکشن کمیشن کوفراہم کی جاتی ہیں،الیکشن کمیشن تمام تفصیلات کاجائزہ لیتا ہے، جس کے بعد سیاسی جماعت کو انتخابی نشان الاٹ کیا جاتا ہے اس پر جسٹس فیصل عرب نے استفسار کیا کہ کیا آپ کے اکاو¿نٹس کا آڈٹ نہیں ہو سکتا،اس پر انور منصور نے کہا کہ وہ آڈٹ کی تفصیلات عدالت میں جمع کروا چکے ہیں اور ہماراموقف ہے اکاو¿نٹس کی منظوری کے بعد دوبارہ کیس نہیں کھل سکتا، جسٹس عمر عطا بندیال نے کہا کہ آپ کی دستاویز الیکشن کمیشن میں کیس آنے کے بعد کی ہیں، کیس سے پہلے کی بھی دستاویزات ہیں تو وہ دکھائیں اور اگر چارٹرڈ اکاو¿نٹنٹ بیرونی فنڈنگ والا نکتہ چھوڑ دیں تو پھر کیا ہوگا جس پر انور منصور نے کہا کہ تمام ذمہ داری چارٹرڈ اکاو¿نٹنٹ کی بنتی ہے اور پی ٹی آئی کی جانب سے فنڈنگ کی پالیسی 2011 میں تیار کی گئی تھی،چیف جسٹس نے استفسار کیا کہ الزام یہ ہے کہ پی ٹی آئی نے امریکا میں کمپنی بنا کر فنڈ ریزنگ کی، جس پر انور منصور نے کہا کہ ایل ایل سی کمپنی تحریک انصاف کے لئے فنڈز لیتی ہے اور اس کی حیثیت ایک ایجنٹ جیسی ہے۔ تحریک انصاف ایل ایل سی امریکا میں پارٹی کی تنظیم سازی اور پارٹی کے موقف سے امریکا میں پاکستانیوں کو آگاہ کرتی ہے،چیف جسٹس نے کہا کہ عدالت آپ کے دلائل سے اب تک مطمئن نہیں ہوئی۔ فنڈ دینے والوں میں کچھ دوسرے لوگ بھی ہیں، درخواست گزار نے غیرملکیوں کے فنڈز کی تفصیل بھی دی ہے، قانون کے حوالے سے فارن نیشنل اوردوہری شہریت میں کیافرق ہے۔ جس پر انور منصور نے کہا کہ اگر ایسا ہے تو پانچ سے چھ ہزار ڈالر ہوں گے۔ چیف جسٹس نے ریمارکس دیئے کہ قانون میں لکھا ہے کہ فنڈز کاکچھ بھی ممنوع ذرائع سے نہ ہو۔ انور منصور نے جواب دیا کہ الیکشن کمیشن میرے موقف کو درست تسلیم کرکے انتخابی نشان الاٹ کرچکا، یہ فیصلہ کرنا حکومت کااختیار ہے ،چیف جسٹس نے کہا کہ اس کا مطلب یہ ہے کہ اگر ہم نے فیصلہ دیا تو عدالت نے وفاقی حکومت کا اختیار غصب کیا، پہلے بھی ایک ایسے ہی معاملے میں جے آئی ٹی تشکیل دے چکے ہیں ، بتائیں فارن فنڈنگ کامعاملہ کس فورم پراٹھایا جاسکتا ہے، اگر پی ٹی آئی کو فارن فنڈنگ پارٹی کہہ دیاتو الیکشن کمیشن میں زیرالتواء مقدمے کا کیا ہوگا، کیاانتخابی نشان الاٹ ہونے کے بعد مصدقہ معلومات پر ایشو زندہ نہیں ہوگا۔ عدالتی وقت ختم ہونے کے باعث عدالت عظمیٰ نے کیس کی مزید سماعت جمعرات تک ملتوی کردی ۔

کراچی(ویب ڈیسک)کراچی میں کے الیکٹرک بن قاسم پاور پلانٹ کا ایک یونٹ ٹرپ کر گیا جس سے کراچی کے مختلف علاقوں میں گزشتہ چند گھنٹوں سے بجلی غائب ہے۔گزشتہ رات ملیر، لانڈھی، بن قاسم، ایف بی ایریا، اور نارتھ کراچی سمیت کئی علاقوں میں بجلی غائب ہے۔کراچی میں ایک ہفتے کے دوران یہ دوسرا بڑا بریک ڈان ہے۔ ترجمان کے الیکٹرک کا کہنا ہے کہ یونٹ کی مرمت جاری، اور بجلی جلد بحال ہوجائے گی۔

اسلام آباد ( خصوصی رپورٹ) ڈان لےکس کی تحقےقات کےلئے قائم کردہ انکوائری کمےٹی کی رپورٹ کے حوالے سے جاری کردہ نوٹےفکےشن کو واپس لےنے اور اس کی جگہ نےا نوٹےفکےشن جاری کرنا حکومت کےلئے درد سر بن گےا ہے کئی روز گزرنے کے باوجود تاحال حکومت اس رپورٹ کے حوالے سے نےا نو ٹےفکےشن جاری نہےں کرسکی ۔ وزےر داخلہ چوہدری نثار علی خان اس اہم معاملے پر کئی ملاقاتےں وزےر اعظم مےاں نواز شرےف سے کرچکے ہےں ۔ منگل کے روز بھی وزےر داخلہ نے وزےر اعظم سے ملاقات کی ۔ ذمہ دار ذرائع نے بتاےا ہے کہ تاحال عسکری قےادت کے ڈان لےکس کی تحقےقاتی رپورٹ کے حوالے سے تحفظات دور نہےں کئے جاسکے ۔ وزےر داخلہ چوہدری نثار علی خان عسکری اور سےاسی قےادت کے درمےان اختلافات کو افہام و تفہےم کے ذرےعے حل کرنے کےلئے اےک پل کا کردار ادا کررہے ہےں ۔ باخبر ذرائع نے بتاےا کہ آئندہ 48 گھنٹوں کے اندر اندر اس اہم معاملے پر پےش رفت ہوسکتی ہے اور ڈان لےکس کی تحقےقاتی رپورٹ کے حوالے سے اےک نےا نوٹےفکےشن جاری کےا جاسکتا ہے کےونکہ پہلے نوٹےفکےشن کوعسکری قےادت نے مکمل طور پر مسترد کردےا تھا اب دےکھنا یہ ہے کہ نےا نوٹےفکےشن جاری کرنے سے اونٹ کسی کروٹ بےٹھ جائے گا ےا نہےں۔ نیوزگیٹ اسکینڈل رپورٹ کا نوٹیفکیشن حکومت کیلئے بجلی بحران سے بڑا بوجھ بن گیا۔ کابینہ کی توانائی کمیٹی کا اجلاس مخر کرکے وزیر اعظم نے ڈان لیکس کے معاملے پر مشاورتی اجلاس کر لیا۔ذرائع نے آئندہ اڑتالیس گھنٹے میں نوٹیفکیشن جاری ہونے کا امکان بھی ظاہر کیا ہے ۔ ملکی سلامتی سے متعلق حساس خبر لیک ہونے کا معاملہ حکومت کے لیےدردسربن چکاہے۔پہلےتوچھ ماہ تک نیوزگیٹ کی رپورٹ حکومت کیلئے بھاری بوجھ بنی رہی اوراب نوٹیفیکشن جاری کرنا بھی کڑا امتحان لگ رہاہے۔