ویلنگٹن (سپورٹس ڈیسک)پاکستان اور نیوزی لینڈ کے درمیان پہلے ون ڈے میچ میں اس وقت دلچسپ منظر دیکھنے کو ملے جب امپائرز نے تیز ہوا کے سبب بیلز کو اسٹمپس سے ہٹا دیا۔پاکستان اور نیوزی لینڈ کے درمیان ویلنگٹن میں پہلا ون ڈے میچ شروع ہوا تو شدید تیز ہوا کے سبب بیلز بار بار اسٹمپس سے گرتی رہیں اور بار بار کھیل رکنے پر امپائرز نے بالآخر بیلز کو ہٹانے کا فیصلہ کیا۔نیوزی لینڈ کی اننگز کے اکثر حصے میں تیز ہوا کے سبب اسٹمپس کو بیلز کا ساتھ میسر نہ آ سکا اور کھیل بیلز کے بغیر ہی کھیلا گیا۔بعدازاں ہوا کی رفتار بہتر ہونے پر امپائرز نے بیلز کو دوبارہ اسٹمپس کی زینت بنا دیا۔
