لاہور(ویب ڈیسک )بالی وڈ کے مسٹر پرفیکشنسٹ عامر خان کی فلموں کا شاندار بزنس چین میں جاری ہے، پہلے فلم ’دنگل‘ نے ریکارڈ توڑا اور اب ’سیکریٹ سپر اسٹار‘ بھی زبردست بزنس کر رہی ہے۔عامر خان بھارتی باکس آفس کے کنگ تو ہیں ہی، لیکن چینی باکس آفس پر بھی دھوم مچا چکے ہیں۔
انڈین ایکسپریس کی ایک رپورٹ کے مطابق چین میں فلم ’سیکریٹ سپر اسٹار‘ نے 4 ہفتے میں 117 ملین ڈالر یعنی 750 کروڑ بھارتی روپے سے بھی زائد کا بزنس کرلیا ہے۔
امکان ظاہر کیا جا رہا ہے کہ آئندہ دنوں میں فلم 150 ملین ڈالر تک کا بزنس کر دکھائے۔
