ممبئی (ویب ڈیسک)بھارت میں ایک مداح نے مرنے سے پہلے اپنی ساری جمع پونجی اداکار سنجے دت کے نام کرکے سب کو حیران کردیا۔دنیا بھر میں بڑے بڑے اسٹار مرنے سے پہلے اپنی ساری ا?مدنی غریبوں یا کسی چیریٹی ادارے کے نام کرتے ہیں لیکن بھارت میں ہمیں اس کے برعکس مثال نظر ا?ئی۔ممبئی کے پوش ترین علاقے مالابار ہلز کی رہائشی ایک خاتون نشی ہرش چندرا تری پاتھی نے مرنے سے قبل تمام بینک اکاو¿نٹس اور لاکرز بالی وڈ اداکار سنجے دت کے نام کردیئے۔62 سالہ خاتون جنوری میں طویل علالت کے باعث انتقال کرچکی ہیں لیکن مرنے سے قبل انہوں نے بینک کو کئی مرتبہ خط لکھ کر سنجے دت کو اپنے بعد جائیداد کا حق دار ٹھہرایا اور ان کے گھر کا پتہ بھی پالی ہل باندرہ کا دیا جہاں وہ رہائش پذیر ہیں۔خاتون مداح کے گھر والے بھی سنجے کے نام بینک اکاو¿نٹس کرنے سے بے خبر تھے اور اس کی اطلاع انہیں وکیل نے ا?خری رسومات کے موقع پر دی۔رپورٹس کے مطابق سنجے دت کو بھی بینک کی جانب سے 29 جنوری کو فون کرکے اکاو¿نٹس ان کے نام ٹرانسفر کرنے کے لیے قانونی کارروائی پوری کرنے کا کہا گیا جس پر وہ حیران رہ گئے۔سنجے دت نے بھی بینک کو خط لکھ کر اکاو¿نٹس اور لاکرز کا سامان خاتون کے گھر والوں کے حوالے کرنے کی درخواست کی ہے۔ابھی تک خاتون کے اکاو¿نٹس اور لاکرز میں موجود اثاثوں کی مالیت کی معلومات سامنے نہیں ا?ئی ہیں تاہم بھارتی میڈیا رپورٹس میں بتایا گیا ہے کہ نشی تریپیتھی کے مالابار ہلز کے جس فلیٹ میں والدہ اور بہن بھائیوں کے ساتھ رہائش پذیر تھیں اس کی مالیت کم از کم 10 کروڑ بھارتی روپے (تقریباً 17 کروڑ پاکستانی) سے زائد ہے۔
مداح نے مرنے سے پہلے ساری جمع پونجی سنجے دت کے نام کردی
