ممبئی (شوبز ڈیسک) بالی وڈ اداکارہ دیپیکا پڈوکون دنیا کی 100 بااثر افراد کی رواں سال کی فہرست میں شامل ہوگئیں۔ بھارتی ذرائع ابلاغ کے مطابق اداکارہ دیپیکا پڈوکون پہلی بالی وڈ اداکارہ ہیں جو ہالی وڈ اداکاروں نکول کڈمین، گال گڈوٹ، لینا ویتھی اور گریٹا گروگ اوردنیا کے دیگر 100 بااثر افراد کی فہرست میں شامل ہوگئی ہیں۔ اس سلسلے میں اداکارہ دیپیکا پڈوکون کی پہلی ہالی وڈ فلم ”xxx: دا ریٹرن آف زینڈر کیج“ کے ساتھ اداکار وین ڈیسل نے اداکارہ دیپیکا پڈوکون کو سراہتے ہوئے کہا کہ وہ صرف ایک سٹار نہیں ہیں بلکہ وہ ایک ایسی خوبصورت اداکارہ ہیں جو اپنے فن اور کام کے ساتھ پرعزم ہیں۔
