لاہور(شوبز ڈیسک)لالی وڈ اور بالی وڈ کے بعد اب خوبرو اداکارہ صبا قمر کے حوالے سے چہ مگوئیاں ہیں کہ وہ جلد ہی ایک ہالی وڈ فلم معروف اداکار بین ایفلک کے ساتھ ایکشن میں نظر آئیں گی۔ابھی یہ واضح نہیں ہے کہ صبا قمر کی فلم کس موضوع پر ہوگی اور ان کا اس میں کیا کردار ہوگا، تاہم امکان ہے کہ جلد ہی اس حوالے سے تصدیقی اطلاعات سامنے آئیں گے۔ صبا قمر کے قریبی ذرائع نے بتایا کہ اداکارہ اپنی پہلی ہالی وڈ فلم سے متعلق سوشل میڈیا اور میڈیا پر چلنے والی چہ مگوئیوں سے واقف ہیں۔ذرائع نے بتایا کہ جلد ہی صبا قمر ان افواہوں کے حوالے سے تصدیقی بیان جاری کریں گی۔جبکہ یہ بھی اطلاعات ہیں کہ صبا قمر ان دنوں ہولی وڈ ڈیبیو کی تیاریوں اور ٹریننگ میں مصروف ہیں۔ صبا قمر ہالی وڈ ڈیبیو کے لیے تلفظ کی درست ادائیگی سمیت دیگر تکنیکی تربیت لینے میں مصروف ہیں۔با قمر جس اداکار کے ساتھ ہولی وڈ ڈیبیو کرنے جا رہی ہیں، انہوں نے جسٹس لیگ، بیٹ مین ورسز سپر مین، پرل ہاربر،سوسائڈ اسکواڈ اور آئی کلڈ مائی لیزبین وائف جیسی فلموں میں اداکاری کے جوہر دکھائے ہیں۔
