ماہرہ خان بھی ریحام خان اور حمزہ عباسی کے جھگڑے میں کود پڑیں

کراچی(شوبزڈیسک) پاکستان تحریک انصاف کے چیئرمین عمران خان کی سابق اہلیہ ریحام خان اور حمزہ علی عباسی کے درمیان چل رہی جنگ میں اداکارہ ماہرہ خان بھی کود پڑیں۔ریحام خان اور حمزہ علی عباسی کے درمیان جھگڑے کاآغاز ریحام خان کی کتاب سے ہواجو ابھی شائع بھی نہیں ہوئی ہے۔ کتاب شائع ہونے سے قبل ہی حمزہ علی عباسی نے ریحام خان کوآڑے ہاتھوں لیتے ہوئے کہا کہ کتاب کا لب لباب یہ ہے کہ عمران خان دنیا کا برا شخص اور ریحام خان تہجد گزار خاتون ہیں۔ جمائمانے کہا کہ ریحام کی کتاب برطانیہ میں شائع نہیں ہو سکتی۔اگر ہوئی تو وہ عدالت جائیں گی ۔ ماہرہ خان نے ٹوئٹ میں جمائمہ کے کردار کی تعریف کی کہ” کس طرح جمائما خان کی طرح بناجاسکتا ہے، انہیں وقت نے خواتین و مردوں کے لیے ایک خوبصورت مثال بنایا ہے۔“