عامر،حسن کی باﺅلنگ میں دم خم نظرنہیں آرہا : وسیم خان، سیریزکے میچزمیں ٹیم کے انتخاب میں سیاست نظرآرہی ہے ، طاہرشاہ کی چینل ۵ کے پروگرام ” گگلی“ میں گفتگو

لاہور (مانیٹرنگ ڈیسک) فرسٹ کلاس کرکٹر وسیم خان نے کہا کہ محمدعامر، حسن علی کی باﺅلنگ پہلے جیسی نہیں، دونوں تھکے تھکے نظر آرہے ہیں۔ چینل فائیو کے پروگرام ”گگلی“ میں گفتگو کرتے ہوئے انہوں نے کہا کہشاداب کی باﺅلنگ کو بیٹسمین سمجھ چکے ہیں۔ حفیظ کو لیکر گئے ہیں تو اسے کھلائیں۔ قومی ٹیم کنفیوز نظر آرہی ہے نئے کھلاڑیوں کو آگے لانا چاہیے۔ شاداب و حفیظ نے بہت کھیل لیا۔ سلیکشن ٹیم اور بورڈ کو اچھی سلیکشن کرنی چاہیے۔ انہوں نے مزید کیا کہ آسٹریلیا کی ٹیم ہر لحاظ سے بہترین ہے۔ جبکہ ہم گھبرائے ہوئے ہوتے ہیں۔ جب تک نظام ٹھیک نہیں ہوگا ٹیم میں بھی بہتری نہیں آئے گی۔سابق کرکٹر طاہر شاہ نے کہا ہے کہ پاک زمبابوے میچ میں قومی ٹیم سیاسی نظر آرہی تھی۔ محمد عامر کو ناجائز کھلایا جارہا ہے جب وہ جانے کو تیار نہیں تھا تو کیوں بھیجا۔ انہوں نے مزید کہا کہ صاحبزادہ فرحان کو لیکر گئے تھے تو اسے موقع ہی دینا چاہیے۔ چیئرمین آئی سی سی کی میٹنگ چھوڑ کر واپس آگئے یہ ہینگنگ بورڈ ہے۔ اس کو کوئی پوچھنے والا نہیں۔ آسٹریلیا کی ٹیم نے بہت اچھی پرفارمنس دکھائی۔