احمد شہزاد اور عمراکمل نے اپنا کیرئیرخودتباہ کیا، رزاق

لاہور(سی پی پی)آل رانڈر عبدالرزاق نے کہا ہے کہ احمد شہزاد اور عمراکمل نے اپنے ٹیلنٹ کے ساتھ انصاف نہیں کیا، آغاز میں دونوں شاندار بیٹسمین نظر آتے تھے لیکن بعد ازاں اپنے کیریئر خود تباہ کیے۔عبدالرزاق نے کہا کہ احمد شہزاد میں اتنی صلاحیتیں تھیں کہ بھارتی بیٹسمینوں سچن ٹنڈولکر اور وریندر سہواگ کو پیچھے چھوڑ جاتے لیکن بعد میں زوال کی جانب گامزن ہوگئے۔آل راﺅنڈر نے کہا کہ ہمارے سسٹم میں کھلاڑیوں کے ساتھ ناانصافیاں ہوتی ہیں،انھیں بلاوجہ ڈراپ بھی کردیا جاتا ہے لیکن ان دونوں کرکٹرزنے اپنے رویوں سے خود اپنے لیے مشکلات پیدا کیں۔