ٹیکسلا(صباح نیوز)سابق وزیرداخلہ چوہدری نثار نے کہا ہے کہ میں کسی پارٹی سے ٹکٹ نہیں لوں گا،پوری زندگی پارٹی ٹکٹ کے لئے درخواست نہیں دی اور نہ اب دوں گا۔ کارکنوں سے خطاب کرتے ہوئے چوہدری نثار کا کہناتھا کہ پوری زندگی سیاست نہیں آپ کی خدمت کی ،الیکشن کے وقت یہ تقاریر کوئی کھیل تماشا نہیں ہوتا،سیاست کا رول شفاف ہوتا ہے جبکہ میں اس حلقے کے عوام کو جوابدہ ہوں ،35سال پہلے جو پودا لگایا تھا آج وہ درخت بن چکا ہے۔ انہوں نے کہا کہ میں نے کسی کی چاپلوسی نہیں کی،نواز شریف کے ساتھ 34سال ایمانداری سے رہا ہوں۔نواز شریف کے بچوں کے پیچھے ہاتھ باندھ کر کھڑا نہیں ہوسکتابلکہ میں نے اپنی عزت نفس کا تحفظ کیا ہے۔
