کراچی)شوبزڈیسک)نجی چینل نے اس سال خصوصی عید شوز ‘ ٹیلی فلمز‘ فیچر فلمز‘ ڈراموں اور پاکستان کے بڑے ایوارڈ شو ز سے سجی عید نشریات کا اعلان کردیا ہے۔عید کے تینوں دن کا آغاز صنم جنگ کریں گی جہاں پاکستانی شوبز انڈسٹری کے جگمگاتے ستارے ان کے ہمراہ عوام کے ساتھ عید کی خوشیاں تقسیم کریں گے ۔پاکستان کا سب سے بڑا ٹیلی ویژن ایوارڈ شو نشریات کا حصہ ہے جبکہ عیدسپیشل ٹیلی فلم ”گلاس توڑا بارہ آنہ“ میں ژالے سرحدی ‘ احمد حسن ‘ ریان ابراہیم‘ آغا مصطفی اور دیگر شامل ہے پیش کی جائے گی ۔ نیلم منیر کےخصوصی ڈرامہ ”سنو چندا “کی آخری قسط بھی عید کی خصوصی نشریات میں شامل ہے۔عید کے پہلے دن نیلم منیر اور احسن خان کی کامیڈی فلم ”چھپن چھپائی“ کا ٹیلی ویژن پریمئر بھی کیا جائے گا۔عید کے دوسرے دن ساﺅتھ ایشیاءکی عظیم فنکارہ سری دیوی کو خراج عقیدت پیش کرنے کیلئے ان کی فلم ”انگلش ونگلش“ کو نشریات کا حصہ بنایا گیا ہے جبکہ کامیڈی شو ”دی آفٹر مون شو“ کے میزبان یاسر حسین سیلیبریٹی کپل دانش تیمور اور عائزہ خان کے ساتھ عید کی خوشیاں دوبالا کریں گے۔بعد ازاں سپر اسٹار صبا قمر ‘ زاہد احمد رومانٹک کامیڈی ٹیلی فلم ”دل دیاں گلاں“ کے ذریعے ناظرین کو تفریح فراہم کریں گے ۔اسی روز اشنا شاہ اور شہزاد شیخ کی مزاحیہ ٹیلی فلم ”بریک اپ کے بعد بھی“ پیش کی جائے گی۔عید ٹرانسمیشن کے آخری رو ز صبا قمر کی بلاک بسٹر فلم ”ہندی میڈیم“ پیش کی جائے گی جبکہ ہانیہ عامر ‘ یاسر حسین‘ نعمان مسعود اور زینب قیوم ٹیلی فلم ”بینڈ تو بجے گا “ ایک ساتھ نظر آئیں گے جو اپنے مزاحیہ اسکرپٹ کے ذریعے ناظرین کو لوٹ پوٹ کردے گی۔اسی رو ز ”کیو موبائل ہم اسٹائل ایوارڈز 2017“ بھی پیش کیا جائے گا ۔یہ عید” ہم “کی جانب سے عوام کیلئے تفریح سے بھرپور ایک ایسا تحفہ ہے جو عید کے تینوں رو ز عوام کو ٹیلی ویژن اسکرین کے سامنے جمے رہنے پر مجبور کردے گی۔
