راولپنڈی(بشارت فاضل عباسی سے)عوامی مسلم لیگ کے سربراہ شیخ رشید احمد نے الیکشن 2018 کے بعد شادی کا اعلان کردیا۔گزشتہ روز لال حویلیے باہربینڈ باجے کی ٹیم دیکھ کر جب ”خبریں،،نے عوامی مسلم لیگ کے سربراہ شیخ رشید سے پوچھا کہ شیخ صاحب کہیں آپ شادی تو نہیں کررہے جس پر شیخ رشید احمد نے ہنستے ہوئے ہاںمیں جواب دیتے ہوئے کہا کہ الیکشن کے بعد شادی کروں گا۔ اس موقع پر لال حویلی کے باہر شیخ رشید کے انتخابی حلقہ این اے62 کے کارکنوں کی کثیر تعداد بھی موجود تھی ۔یادرہے اس سے قبل شیخ رشید احمد کیخلاف ایک شادی شدہ عورت شہناز شیخ سے شادی کا سیکنڈل منظر عام پر آچکا ہے لیکن شیخ رشید کی طرف سے شادی کی تردید کردی گئی تھی۔اس بار شیخ رشید نے اپنی اتحادی جماعت پاکستان تحریک انصاف کے سربراہ عمران خان کے نقش قدم پر چلتے ہوئے شادی کا اعلان کردیا ہے،عمران خان نے جمائما سے علیحدگی کے بعددھرنے کے دوران اچانک شادی کا اعلان کرکے ریحام خان سے شادی کی تھی اور بعد ازاں ان کی بھی علیحدگی ہوگئی تھی لیکن عمران خان نے الیکشن 2018 سے پہلے ہی بشری بی بی سے تیسری شادی کرلی۔
