30 ستمبر کے بعد انکم ٹیکس گوشوارے جمع کرانے پر جرمانے ہونگے

اسلا م آباد(آئی این پی ) انکم ٹیکس گوشوارے جمع کرانے کی آج 30ستمبر آخری تاریخ ہے ۔فیڈرل بورڈ آف ریونیو (ایف بی آر)کا کہنا ہے کہ 30 ستمبر کے بعد انکم ٹیکس گوشوارے جمع کرانے پر بھاری جرمانے عائد ہوں گے۔ذرائع ایف بی آر کے مطابق یکم اکتوبر سے ملک میں لیٹ فائلر کی کیٹگری ختم ہوکر نان فائلر رہ جائے گی جبکہ نان فائلر کے لئے انکم ٹیکس گوشواروں پر لیٹ پیمنٹ کئی گنا ہوگی۔ذرائع کا کہنا ہے کہ یکم اکتوبر سے انکم ٹیکس گوشوارے جمع نہ کرانے پر لیٹ کی بجائے نان فائلر کا جرمانہ لگے گا انفرادی گوشوارہ جمع نہ کرانے پر جرمانہ 1000 روپے کی بجائے25 ہزار روپے تک پہنچ جائے گا، اسی طرح یکم اکتوبر سے لیٹ فائلر ایسوسی ایشن آف پرسن سے جرمانہ 10 ہزار کی بجائے 50 ہزار روپے جبکہ لیٹ فائلر کمپنی کا جرمانہ 20 ہزار روپے کی بجائے ایک لاکھ روپے وصول کیا جائے گا۔