لاہور (مانیٹرنگ ڈیسک) پیپلزپارٹی کے رہنما آیت اللہ درانی نے کہا ہے کہ بلوچستان میں سب کچھ عمران خان کی خواہش کے مطابق نہیں ہو گا بلوچستان میں تحریک صاف کا کردار نہیں چینل ۵ کے پروگرام نیوز ایٹ 7 میں گفتگو کرتے ہوئے انہوں نے کہا کہ عمران خان نے اگر وعدے پورے نہ کئے تو ان کی حکومت ڈیڑھ سال سے زیادہ نہیں چل پائے گی۔ عمران خان اسٹیبلشمنٹ کی وجہ سے جیتے ہیں۔ آصف زرداری نے اپنے دور میں اداروں کو بااختیار بنایا اگر عمران خان نے چین سے کمرشل قرضہ نہ لیا تو وہ کامیاب ہوں گے۔ اگر عمران مرکز میں آ رہے ہیں تو ان کو پنجاب بھی دیا جائے تا کہ وہ یہ نہ کہیں کہ انہیں موقع نہیں ملا۔ سابق چیئرمین سینٹ وسیم سجاد نے کہا ہے کہ قانون کے مطابق صدر مملکت کی معیاد ختم ہونے سے 30 دن قبل الیکشن ہو جانا چاہئیں تا کہ کوئی خلا نہ رہ سکے آئین میں لکھا ہے نیا صدر آنے تک صدر مملکت عہدہ نہیں چھوڑیں گے صدر کو پاکستان میں کوئی زیادہ اختیار نہیں ہوتے لیکن یہ عہدہ اہم ہوتا ہے موجودہ صورتحال میں شاید ایک جماعت کا صدر نامزد نہ ہو سکے تحریک انصاف کو قانون سازی میں مشکلات کا سامنا رہے گا لیکن عمران مضبوط وزیراعظم ہوں گے حالات خراب ہوئے تو ہو سکتا ہے عمران دو سال میں دوبارہ الیکشن کروا دیں تا کہ زیادہ بھرپور مینڈیٹ لے کر سامنے آئیں۔
