شیخوپورہ(بیورورپورٹ) تھانہ صدر کے علاقہ ڈیرہ گیان سنگھ میں بااثر زمیندار نے کام کرنے سے انکار پر گاﺅں کے ہی محنت کش غریب الیکٹریشن کو اپنے ساتھیوں کی مدد سے اغواءکرکے ڈیرہ پر لے گئے جہاں اسے ایک گھنٹہ تک تشدد آہنی راڈ گرم کرکے اسے کا نشانہ بناتے رہے اس دوران الیکٹریشن کی چیخ و پکار سے پورا گاﺅں لرز اٹھا اس دوران اس کی حالت غیر ہونے پر ملزمان اسے ڈیرہ کے باہر پھینک کر فرار ہو گئے پولیس اطلاع کے باوجود تاخیر سے موقع پر پہنچی اور چوکی دھیرکے کے ملازمین نے غریب الیکٹریشنکو انصاف فراہم کرنے کی بجائے اسے زمیندار سے آپس کا معاملہ قرار دیکر چلی گئی جس پر گاﺅں کے لوگوں نے اسے زخمی حالت میں ڈی ایچ کیو ہسپتال داخل کروایا تاہم واقعہ کا علم ہونے پر ڈی پی او نے ملزمان کو گرفتار کرکے ان کے خلاف مقدمہ درج کرنے کا حکم دے دیا ہے،بتایا گیا ہے کہ ملزم زمیندار ملک بوٹا نے الیکٹریشن محمد منشاءسے اپنے گھر میں بلا کر 2بار کام کروایا اس دوران الیکٹریشن کسی اور کا کام کرنے لگا تو زمیندار نے اسے پھر کام کرنے کے لیے بلایا تو اس نے انکار کر دیا اور کہا کہ وہ پہلا کام کر کے آئے گا جس پر زمیندار ملک بوٹا نے اپنے ساتھیوںبگا،گلفام و غیرہ کے ہمراہ مشتعل ہو کر الیکٹریشن منشاءکو اغواءکرکے اپنے ڈیرہ پر لے گئے اور اسے برہنہ کر کے آہنی راڈگرم کرکے تشددکا نشانہ بناتے رہے جس سے وہ بےہوش ہو گیا اور اس کی حالت غیر ہو گئی تو ملزمان اسے ڈیرہ کے باہر پھینک گئے پولیس نے ان کی مدد کرنے کی بجائے زمیندار کا ساتھ دیا جس پر محنت کش خاندان سراپا احتجاج بن گیا اور ان کے احتجاج پر ڈی پی او سردار غیاث گل نے ملزمان کو گرفتار کر کے ان کے خلاف مقدمہ درج کر کا حکم دیا ہے۔
