آزادی بڑی نعمت ‘ ہمیں اس کا شکر اداکرنا چاہیئے:شاہدہ منی

لاہور(شوبزڈیسک)گلوکارہ و فلمسٹار شاہدہ منی نے 71 ویں یوم آزادی پر اپنے دلی جذبات کا اظہار کرتے ہوئے کہاکہ آزادی بہت بڑی نعمت خداوندی ہے ہمیں ہر حال میں اس کا شکر اداکرنا چاہیئے ۔ایک سوال کے جواب میں شاہدہ منی نے کہاکہ زندہ قومیں اپنا یوم آزادی دھوم دھام سے مناتی ہیں اور اس کا برملا اظہار بھی کرتی ہیں انہوں نے کہاکہ ہمیں اس آزادی پر اپنے رب کا ہر حال میں شکر اداکرتے رہنا چاہیئے کہ اس نے ہمیں اپنے پیارے ملک پاکستان میں سکھ کا سانس لینے دیا اور ہمیں غیروں کی غلامی سے آزادی دلائی ہمیں اس دن اپنے بزرگوں کی قربانیاں بھی یاد رکھنی چاہیئے جنہوں نے اپنی جانیں ، عزت آبرو اور اپنی اولاد اس ملک پر قربان کیں اور ہمیں یہ وطن دلایا شاہدہ منی نے کہاکہ اس آزادی میں جہاں ہمارے بزرگوں کا لہو شامل ہے۔وہیں ہمارے سرحدوں کے محافظ ہماری پاک آرمی بھی سرفہرست ہے جس نے دشمن کے ہر حملے کو ناکا م بنایا اور ان کے ناپاک عزائم کو خاک میں ملایا ہمیں اس دیس کے ان شہیدوں کے لیئے بھی دست دعا اٹھانا چاہیئے جنہوں نے اپنی جانوں کا نذرانہ دے کر ہماری جان و مال کی حفاظت کی شاہدہ منی نے مذید کہاکہ وہ اس یوم آزادی پر ملک و قوم کی سلامتی کے لیئے خصوصی دعاﺅں کا اہتمام بھی کرتی ہیں اور اس دن منعقد کی جانیوالی تقریبات میں بھی خوشی سے شریک ہوتی ہیں۔