لندن(شوبزڈیسک) برطانوی گلوکار اور گیت نگار سر راڈ سٹیورٹ کے موسیقی کی دنیا میں پچاس برس مکمل ہوگئے۔ اس موقع پر اپنی تیسویں البم بلڈ ریڈ روزیز 28 ستمبر کو ریلیز کرنے کا اعلان کر دیا۔1969 میں سولو گلوکار کے طور پر اپنا کیرئر شروع کرنے والے برطانوی گلوکار سر راڈ سٹیورٹ رکنے کا نام ہی نہیں لے رہے۔اپنے سولو کیریئر کی پچاسویں سالگرہ کے موقع تیسواں البم بلڈ ریڈ روزیز ریلیز کرنے کا اعلان کر دیا۔ایک حالیہ انٹرویو میں تہتر سالہ سر راڈ نے کہا کہ وہ زندگی کو اب بھی انجوائے کرتے ہیں، وہ فارغ وقت میں اپنے بیٹوں کے ساتھ فٹبال کھیلتے ہیں، سر راڈ نے انیس سو تریسٹھ میں میوزک گروپ Dimensions the سے اپنے کیرئیر کا آغاز کیا اور1969 میں پہلا سولو البم ریلیز کیا۔ ان کے گانوں کے دس کروڑ سے زائد البمز فروخت ہو چکے ہیں۔
