لاہور(شوبزڈیسک)مومنہ اینڈ درید فلمزاور نجی ٹی وی کی عید الاضحی کے موقع پر ریلیز ہونے والی پرواز ہے جنوں کے تین گانوں بھلیا ‘ تھام لو اور نچ رے اور اس کے ٹریلر کی عوامی مقبولیت کے بعد وطن کے محبت سے لبریز اس فلم کا چوتھے گانے ”میں اُڑا“ کی وڈیو کا اجراءکردیا ہے۔ گانے کے مصنف ‘ کمپوزر ‘ پروڈیوسر شجاع حیدر ہیں ۔ گانے کی ویڈیو میں جذبہ حب الوطنی کو بیدار کرنے کے ساتھ ساتھ پاکستان ائیرفورس کو خراج تحسین پیش کیا گیا ہے جو ناظرین کو اپنے سحر میں جکڑ لیتی ہے۔گانے میں حمزہ علی عباسی اپنے ساتھی پائلٹ کے ہمراہ جلوہ گر ہیں ۔ گانے میں ہانیا عامر کو بھی فضاﺅں کی سیر کرتے دیکھا جاسکتا ہے جبکہ شاز خان بھی دہشت گردوں سے مقابلہ کرتے نظر آئیں گے ۔ فائٹر جیٹ کی گھن گھرج‘ گانے کے بول اور منظر کشی نے اس ویڈیو کو انوکھی جان بخشی ہے جو یقینا دیکھنے والوں کی توجہ اپنی جانب مبذول کرالے گی۔
