ممبئی:(ویب ڈیسک)با لی ووڈ اداکارہ دپیکا پڈوکون فوربز 2018 کی فہرست میں جگہ بنانے میں ناکام ہوگئیں۔امریکی جریدہ فوربز ہر سال دنیا بھر میں سب سے زیادہ کمائی کرنے والی اداکاراو¿ں کی فہرست جاری کرتا ہے۔ گزشتہ برس دپیکا پڈوکون فہرست میں ٹاپ ٹین میں جگہ بنانے والی واحد بالی ووڈ اداکارہ تھیں، انہوں نے یہ اعزاز ہالی ووڈ فلم”ٹرپل ایکس؛ ریٹرن آف زینڈر کیج“ اور فلم ”پدماوت“ میں کام کرکے ایک سال میں 100 کروڑسے زائد کمائی کرکے حاصل کیا تھا اور فہرست میں 10 ویں نمبر پرموجود تھیں۔ تاہم اس بار دپیکا پڈوکون فوربز کی ٹاپ ٹین فہرست میں جگہ نہیں بناسکیں۔رواں سال فوربز کی فہرست میں ہالی ووڈ اداکارہ اسکارلیٹ جانسنز 40.5 ملین ڈالرز کے سرفہرست ہیں۔ دوسرے نمبر پر اداکارہ انجلینا جولی 28 ملین ڈالرز کے ساتھ اورتیسرے نمبر پر جینفر آنسٹن 19.5 ملین ڈالرزکے ساتھ فہرست میں موجود ہیں۔واضح رہے کہ بھارتی میڈیا میں ان دنوں دپیکا پڈوکون اوررنویر سنگھ کی شادی کے چرچے جاری ہیں دونوں 20 نومبر کو اٹلی میں شادی کے بندھن میں بندھ جائیں گے۔
