فنکاروں کا سوشل میڈیا اور شائقین سے دور رہنا ہی بہتر ہے: فہد مصطفیٰ

کراچی(ویب ڈیسک)پاکستانی اداکار فہد مصطفیٰ کا کہنا ہے کہ سوشل میڈیا سے دور رہنا اداکاروں کے لیے بہتر ہوتا ہے اور ہر بات پر ان کا تبصرہ ضروری نہیں ہوتا۔فہد مصطفیٰ کی دو فلمیں ’جوانی پھر نہیں آنی 2‘ اور ’لوڈ ویڈنگ‘ عید الصخیٰ پر ریلیز ہو رہی ہیں۔فہد مصطفی پاکستان میں عہد حاضر کے مقبول ترین ادکاروں میں سے ایک ہیں تاہم ان کا کہنا ہے کہ فنکاروں کی زندگی ان کے شائقین سے پوشیدہ ہی ہونی چاہیے کیونکہ ان کے خیال میں کیونکہ اگر یہاں اگر فنکار کو نشانہ نہ بھی بنایا جائے تو ان کی بیوی بچوں کو نشانہ بنا لیا جاتا ہے جو ٹھیک نہیں۔بی بی سی کی فیفی ہارون سے گفتگو میں ان کا کہنا تھا ’ماضی کے فنکار اگر 40 سال تک کام کرتے رہے تو ناظرین کے ساتھ ان کا براہِ راست تعلق نہیں تھا لوگوں کو علم نہیں ہوتا تھا کہ ان کی ذاتی زندگی میں کیا چل رہا ہے۔ اچھا برا وقت سب پر آتا ہے اور فیس بک اور ٹوئٹر کے ذریعے ایک عام آدمی بھی یہ جان سکتا ہے کہ آج آپ کا موڈ کیسا ہے۔‘فہد مصطفیٰ کا مزید کہنا تھا کہ ’ہر بات شائقین کے ساتھ شیئر کرنا ضروری نہیں اور نہ ہی ہر بات پر تبصرہ کرنا ضروری ہے۔‘’ہمارے ملک میں کچھ نہ کچھ ہوتا ہی رہتا ہے اور اکثر برا ہوتا ہے۔ میں ایک اداکار ہو لیکن میں مدعے پر اپنی رائے نہیں دینا چاہتا۔ میرا کام اداکاری کرنا ہے۔‘عید الضحیٰ پر آنے والی ان کی دونوں فلمیں ہی رومانوی کہانیاں ہیں۔ان کا کہنا تھا کہ اگرچہ ان کی فلم لوڈ ویڈنگ میں ایک پیغام ہے تاہم انھوں نے اس میں کسی کو لیکچر دینے کی کوشش نہیں کی اور اس فلم میں ایک جوڑی کی رومانوی کہانی ہے جس میں انھوں نہ ’کیوٹ رومانس‘ کیا ہے۔