لاہور (نیااخبار رپورٹ) نامور بالی ووڈ اداکارہ پریانکا چوپڑا کی آنے والی زندگی کیلئے بالی ووڈ ستاروں نے نیک خواہشات کا اظہار کرتے ہوئے انہیں منگنی کی مبارکباد دی ہے۔ سماجی رابطوں کی ویب سائٹ ٹویٹر پر پریانکا چوپڑا کے ساتھی اداکار اور ان کے دوست رنویر سنگھ نے پریانکا اور نک کو ان کی آنے والی زندگی کی مبارکباد دیتے ہوئے ان کیلئے نیک خواہشات کا اظہار کیا۔ اداکار ہرتیک روشن نے بھی پریانکا کو مبارکباد دی۔ عالیہ بھٹ نے خوبصورت ایموجی کے ذریعے پریانکا کیلئے اپنے جذبات کا اظہار کیا۔ نامور اداکارہ بپاشا باسو نے پریانکا اور نک جونز کو ہمیشہ ساتھ رہنے کی دعا دی اور ان کیلئے نیک خواہشات کا اظہار کیا۔ سونم کپور، ملائکہ اروڑا، شردھا کپور، ایشا گپتا اور ورون دھون نے بھی دونوں کو مبارکباد دی۔ پریانکا کی چھوٹی بہن اداکارہ پرینیتی چوپڑا نے روکے کی رسم کی خوبصورت تصویر شیئر کرتے ہوئے پریانکا کو مبارکباد دی۔ اداکارہ پریتی زنٹا نے پریانکا اور نک کو ٹویٹر پر مبارکباد کا پیغام دیتے ہوئے لکھا ”پریانکا اور نک کو زندگی کے نئے سفر کے لیے بہت مبارکباد، میری دعا ہے کہ آپ دونوں کی زندگی میں محبت، خوشیاں ہمیشہ رہیں اور آپ دونوں ہمیشہ ساتھ رہیں۔“
