لاہور (ویب ڈیسک)عید الاضحیٰ قربانی اور ایثار کا نام ہے، جسے پوری دنیا کے مسلمان سنت ابراہیمی کی ادائیگی کے ساتھ بھرپور جوش و جذبے سے مناتے ہیں، ایسے میں ہمارے شوبز اسٹارز نے بھی بڑی عید کی خوشیاں اپنے اپنے اہلخانہ کے ساتھ منائیں اور سوشل میڈیا پر اپنی تصاویر اور پیغامات شیئر کیے۔اسٹارز نے عید پر شاندار ملبوسات زیب تن کیے اور سج دھج کر اپنے مداحوں کو عید کی مبارک باد پیش کی۔آئیے دیکھتے ہیں کہ ہمارے شوبز اسٹارز کس طرح عیدالاضحیٰ منارہے ہیں۔نامور اداکار جاوید شیخ نے اپنے اہلخانہ کے ساتھ عید کی خوشیاں دوبالا کیں، جس کی تصویر ان کی صاحبزادی و اداکارہ مومل شیخ نے انسٹاگرام پر شیئر کی۔اداکار شہروز سبزواری نے اپنی اہلیہ و اداکارہ سائرہ شہروز اور اپنی صاحبزادی کے ساتھ عید پر لی گئی تصویر شیئر کی اور سب کو عید مبارک کہا۔اداکار دانش تیمور نے بھی اپنی اہلیہ عائزہ اور بچوں کے ساتھ عید مناتے ہوئے سب کو مبارک باد دی۔عمران عباس نے بھی تمام مداحوں کو عید مبارک کہا۔ماورہ حسین نے سبز رنگ کا شاندار روایتی لباس زیب تن کیا اور اپنی تصویر انسٹاگرام پر شیئر کرتے ہوئے لکھا، ’نئے پاکستان میں پہلی عید‘۔ساتھ ہی ماورہ نے دعا کی کہ ’اللہ تعالی ہمارے ملک کو بہتر دنوں سے نوازے، انشاءاللہ’۔اداکارہ زارا نور نے بھی اہلخانہ کے ساتھ عید منائی اور اپنی تصاویر مداحوں سے شیئر کیں۔ فہد مصطفی نے بھی عید اہلخانہ کے ساتھ منائی اور عید کی مبارک باد پیش کی۔معروف ڈیزائنر ماریہ بی نے بھی اپنی ننھے صاحبزادے کے ہمراہ سب کو عید کی مبارک باد پیش کی۔اداکارہ مایا علی نے اپنے بھائی کے ساتھ عید کی خوشیاں شیئر کیں۔
