ایشین گیمزفٹبال میںمیزبان انڈونیشیاکاسفرتمام

جکارتہ(سپورٹس ڈیسک)ایشین گیمز 2018ءکے فٹبال ایونٹ میں میزبان انڈونیشیاکاسفراختتام کوپہنچ گیا۔یواے ای نے پینلٹی شوٹ آﺅٹ پر4-3سے فتح سمیٹ کر کوارٹرفائنل کےلئے کوالیفائی کرلیا۔ سعودی عرب نے سخت مقابلے کے بعدچین کو 4-3،شمالی کوریانے بنگلہ دیش کو 3-1 اور جاپان نے ملائیشیاکو 1-0سے ہراکر فائنل 8میں جگہ بنائی ۔ ویباوامکٹی سٹیڈیم میں کھیلے گئے میچ میں میزبان انڈونیشیا اورمتحدہ عرب امارت کے درمیان کانٹے دار مقابلہ دیکھنے میں آیا۔زیدالعمیری نے 20 ویں منٹ میں یواے ای کوسبقت دلائی جسے البرٹونے دوسرے ہاف کے7ویں منٹ میں ختم کیا۔ 65ویں منٹ میں العمیری نے گول کرکے یواے ای کی برتری 2-1 کردی۔آخری لمحات میں سٹیفانونے گول داغ کرمقابلہ کر دیا۔ایکسٹر اٹائم میں کوئی ٹیم گول نہ کرسکی۔ پینلٹی شوٹ آﺅٹ پر یواے ای 4-3سے فاتح رہا۔