ڈھول پلیئر عرشمہ کا پہلا گیت تکمیل کے آخری مراحل

لاہور( شوبزڈیسک) ڈھول پلیئر عرشمہ مریم نے ماڈلنگ کے بعد گلوکاری کا بھی آغاز کردیا ،عرشمہ کا پہلا گانا تکمیل کے آخری مراحل میں ہے،اس ماہ کے آخر تک گانا ریلیز کرنے کی تیاریاں مکمل کرلی گئی ہیں،اس حوالے سے عرشمہ مریم نے بتایا کہ میں گزشتہ ایک سال سے اس پروجیکٹ پر کام کررہی تھی لیکن مصروفیات کے باعث اس کو مکمل نہیں کر سکی تھی ،میری اصل پہچان بطور ڈھول پلیئر ہی ہے اب ماڈلنگ کی دنیا میں بھیی کامیابیاں سمیٹ چکی ہوں لہذا گلوکاری کو بھی باقاعدہ آغاز کردیا ہے ،مجھے امید ہے کہ میرے مداح مجھے بطور گلوکار بھی پسند کرینگے۔،میرا پہلا گانا مکمل ہو چکا ہے ریلیز کی تاریخ جلد فائنل کرکے گانا باقاعدہ پریس کانفرنس کے دوران لانچنگ کروں گی۔