لاہور(شوبزڈیسک)لیلٰیٰ مجنوں کی رومانوی داستان ایک بار پھرپاکستان بھر میں پردہ سیمیں کی زینت بننے کیلئے تیار،7ستمبر کوسنیماﺅںکی زینت بنے گی۔ایکتا کپور کی پروڈکشن میں بنی فلم کی ہدایات ڈائریکٹر ساجد علی نے دی ہیں ، نمائش کے حقوق ڈسٹری بیوشن کلب نے حاصل کر لئے ۔عشق و محبت کی لازوال داستان ” لیلٰی مجنوں “ کو بھارتی فلمی صنعت میں ایک بار پھر نئے انداز میں پردہ سیمیں کی زینت بنایا گیا ہے۔ شہرہ آفاق بالی وڈ ڈائریکٹر امتیاز علی نے محبت کی اس کلاسک کہانی کو کشمیر کی حسین وادیوں میں پیش کیا ہے ، نئے فنکار اویناش تیواری اور ترپتی دمری نے فلم میں مرکزی کردار ادا کئے ہیں ۔فلم کے گیت ” حافظ حافظ “کی دھوم مچ چکی ہے۔
