ممبئی (شوبزڈیسک) 2018کے پہلے 6ماہ میں بالی ووڈ کے بہترین اداکاروں کی فہرست جاری کردی گئی‘ فہرست میں بالترتیب رنویر سنگھ،عالیہ بھٹ،رنبیر کپور اور اکشے کمار شامل ہیں۔بھارتی میڈیا کے مطابق رواں سال کے پہلے چھ ماہ میں فلم پدماوت کے ساتھ رنویر سنگھ پہلے نمبر پرہے۔ پدماوت نے بھارت میں 384جبکہ دنیا بھر سے 120کروڑ کا بزنس کیا اور شدید احتجاج کے باوجود پدماوت مجموعی طور پر 504کروڑ کا بزنس کر کے پانچ سو کروڑ کلب میں شامل ہوگئی ہے۔ فلم راضی کے ساتھ عالیہ بھٹ دوسرے نمبر پر براجمان ہے۔ یہ عالیہ بھٹ کی مقبول ترین فلم بن گئی ہے۔ جبکہ فلم سنجو کے ساتھ رنبیرکپور تیسرے نمبر پر ہیںجو 500 کروڑ سے زائد کی بزنس کر چکی ۔ فلم ٹوائلٹ اک پریم کتھا اورپیڈمین کے ساتھ اکشے کمار چوتھے نمبر پر موجود ہیں ۔ بھارت میں بیت الخلاوں کی قلت کے موضوع پر بنائی گئی تھی فلم نے 100 کروڑ روپے سے زائد کا بزنس کیا تھا۔
