لاہور(شوبزڈیسک)آفاق شاعری کی کتاب لکھنے والے نامور شاعر مولانا الطاف حسین حالی 1837ء میں پانی پت میں پیدا ہوئے۔ ابھی 9 سال کے تھے کہ والد کا انتقال ہوگیا۔ بڑے بھائی امداد حسین نے پرورش کی۔ اسلامی دستور کے مطابق پہلے قرآن مجید حفظ کیا۔ 17 برس کی عمر میں کی مرضی کے خلاف شادی کر دی گئی۔ دلی میں 2 سال تک عربی صرف و نحو پڑھتے رہے۔1856ءمیں حصار کے کلکٹر کے دفتر میں ملازم ہوگئے لیکن 1857ء میں پانی پت آ گئے۔پھر دلی آکر مرزا غالب کے شاگرد ہوگئے۔ غالب کی وفات پر حالی لاہور چلے آئے اور گورنمنٹ بک ڈپو میں ملازمت اختیار کی۔ لاہور میں محمد حسین آزاد کے ساتھ مل کر انجمن پنجاب اور جدید شاعری کی بنیاد ڈالی۔4 سال لاہور میں رہنے کے بعد دلی چلے گئے اور اینگلو عربک کالج میں معلم ہوگئے۔ اسی دوران میں مسدس، مدوجزر اسلام لکھی۔ 1904ءمیں شمس العلماءکا خطاب ملا 30 ستمبر 1914ءکو پانی پت میں وفات پائی۔سرسید جس تحریک کے علمبردار تھے حالی اسی کے نقیب تھے۔ سرسید نے اردو نثر کو جو وقار اور اعلیٰ تنقید کے جوہر عطا کئے تھے۔ حالی کے مرصع قلم نے انہیں چمکایا۔
نامور شاعر مولانا حالی کی 104ویں برسی آج منائی جائیگی
