‘ہدایت کار نے زبردستی بوسہ دینے کی کوشش کی’

ممبئی (ویب ڈیسک)بولی وڈ ہدایت کار وکاس بہل پر گزشتہ روز ہی اداکارہ کنگنا رناوٹ اور ان کی پرانی فلم پروڈکشن کمپنی ‘فینٹم’ کی ایک خاتون ملازم نے جنسی طور پر ہراساں کیے جانے کا الزام عائد کیا تھا۔کنگنا رناوٹ نے وکاس بہل پر جنسی طور پر ہراساں کیے جانے کا الزام عائد کرتے ہوئے دعویٰ کیا تھا کہ ڈائریکٹر 2014 میں فلم ‘کوئین’ کی شوٹنگ کے دوران دیر تک گلے لگانے کے بعد انہیں چھوتے اور بالوں کو سونگھتے رہتے’۔اداکارہ نے دعویٰ کیا کہ وکاس بہل انہیں دیگر خواتین سے جسمانی تعلقات کی باتیں بھی بڑھا چڑھاکر بتانے سمیت انہیں طعنے دیتے تھے کہ وہ رومانوی حوالے سے پرکشش نہیں ہیں۔وکاس بہل پر ان کی فلم پروڈکشن کمپنی ‘فینٹم’ کی خواتین ملازموں نے بھی جنسی طور پر ہراساں کیے جانے کا الزام عائد کیا تھا اور ان خواتین کے ساتھ ہونے والے واقعات کی کنگنا رناوٹ نے بھی تصدیق کی تھی۔خواتین ملازموں نے وکاس بہل پر الزام لگایا تھا کہ ‘فینٹم’ پروڈکشن کے تحت 2005 میں ریلیز ہونے والی فلم ‘بمبے ویلوٹ’ کی شوٹنگ اور تشہیر کے دوران ہدایت کار نے انہیں جنسی طور پر ہراساں کیا۔لیکن اب ایک اور اداکارہ نے بھی وکاس بہل پر جنسی طور پر ہراساں کیے جانے کا الزام لگاتے ہوئے دعویٰ کیا ہے کہ ہدایت کار نے انہیں ایک بار زبردستی گلے لگا کر بوسہ دینے کی کوشش کی۔نشریاتی ادارے ‘مس ملانی’ نے اپنی رپورٹ میں بتایا کہ ایک معروف اداکارہ نے اپنا نام ظاہر نہ کرنے کی شرط پر بتایا کہ وکاس بہل چالباز شخص ہیں، وہ ہمیشہ خواتین کے قریب ا?نے اور انہیں چھونے کے مواقع تلاش کرتے رہتے ہیں۔اداکارہ نے ایک واقعے کو یاد کرتے ہوئے بتایا کہ وکاس بہل نے انہیں ایک بار زبردستی گلے لگاکر ان کو بوسہ دینے کی کوشش کی، تاہم وہ وہاں سے کسی طرح فرار ہونے میں کامیاب ہوگئیں۔اداکارہ نے بتایا کہ وہ اس واقعے کے بعد اپنے بوائے فرینڈ کے پاس گئیں اور انہیں وکاس بہل کی حرکت کا بتا دیا۔اداکارہ کے مطابق وہاں سے فرارہوجانے کے بعد وکاس بہل انہیں مسلسل موبائل پیغامات بھیجتے رہے اور انہیں یقین دلاتے رہے کہ وہ نہ تو شراب نوشی کرتے ہیں اور نہ سگریٹ نوشی تو پھر وہ ان سے بھاگی کیوں؟اداکارہ نے یہ بھی بتایا کہ وکاس بہل کے ایسے کارناموں سے اس کی اہلیہ بھی باخبر تھی۔اداکارہ نے یہ نہیں بتایا کہ وکاس بہل نے انہیں کس موقع پر اور کب زبردستی بوسہ دینے کی کوشش کی اور نہ ہی نشریاتی ادارے نے رپورٹ میں اداکارہ سے متعلق کوئی خاص معلومات فراہم کی۔تاہم رپورٹ میں بتایا گیا کہ وکاس بہل پر الزام لگانے والی اداکارہ کے بوائے فرینڈ نے بھی اس واقعے کی تصدیق کی۔