ممبئی(اے پی پی)روہت شرما نے ون ڈے تاریخ میں سچن ٹنڈولکر کے زیادہ چھکوں کا ریکارڈ توڑ دیا، وہ بھارت کے دوسرے اور دنیا کے ساتویں بلے باز بن گئے ہیں،ٹنڈولکر نے 195 چھکے لگا رکھے تھے جبکہ شرما کے چھکوں کی تعداد 198 ہو گئی ہے۔، بھارت کی جانب سے دھونی 218 چھکے لگا کر سرفہرست ہیں جبکہ ایک روزہ کرکٹ کی تاریخ میں زیادہ چھکے لگانے کا عالمی اعزاز سابق پاکستانی بلے باز شاہد خان آفریدی کو حاصل ہے جنہوں نے 351 چھکے لگا رکھے ہیں، کرس گیل 275 چھکوں کے ساتھ دوسرے، جے سوریا 270 چھکوں کے ساتھ تیسرے، دھونی 218 چھکے لگا کر چوتھے، ڈی ویلیئرز 204 چھکوں کے ساتھ پانچویں، برینڈن میک کولم 200 چھکوں کے ساتھ چھٹے نمبر پر موجود ہیں۔
