نیو یارک(ویب ڈیسک) بدھ مت پر یقین رکھنے والے ہولی وڈ کے امریکی گلوکار رچرڈ گیری 69 سال کی عمر میں دوسری بار والد بن گئے۔رچرڈ گیری کے ہاں 19 سال کے وقفے کے بعد بچے کی پیدائش ہوئی، اس سے قبل ان کے ہاں 2000 میں بیٹے کی پیدائش ہوئی تھی۔رچرڈ گیری کے ہاں دوسرے بچے کی پیدائش ان کی تیسری اہلیہ 35 سالہ الینجندرا سلوا سے ہوئی، جن سے انہوں نے اگست 2018 میں شادی کی تھی۔الیجندرا سلوا سے قبل رچرڈ گیری کی 2 شادیاں ناکام ہوچکی ہیں۔رچرڈ گیری نے پہلی شادی 1991 میں سپر ماڈل کنڈی کرافورڈ سے کی تھی جو محض 4 سال تک ہی چل سکی۔ایوارڈ یافتہ اداکار رچرڈ گیری نے دوسری شادی اداکارہ کرے لوول سے کی، جن سے انہیں 2000 میں بیٹا ہوا۔رچرڈ گیری کی دوسری شادی بھی 2013 میں طلاق پر ختم ہوگئی، جس کے بعد اداکار نے اسپینش اداکارہ الیجندرا سلوا کے ساتھ تعلقات استوار کیے۔ہولی وڈ اداکار اور اسپینش اداکارہ نے 5 سال تک تعلقات میں رہنے کے بعد اگست 2018 میں شادی کی تھی۔جہاں رچرڈ گیری کی یہ تیسری شادی تھی، وہیں الیجندرا سلوا کی بھی یہ دوسری شادی تھی اور اب دونوں دوسری مرتبہ والدین بنے ہیں۔شادی کے ایک ماہ بعد ہی جوڑے نے اعلان کیا تھا کہ ان کےہاں جلد بچے کی پیدائش متوقع ہے۔ہیلو میگزین کے مطابق رچرڈ گیری نے اپنے بیٹے کا نام الیگزینڈر رکھا ہے۔خیال رہے کہ رچرڈ گیری امریکی ریاست پنسلوانیا میں پیدا ہوئے اور انہوں نے 1960 کے بعد اداکاری کی شروعات کی۔رچرڈ گیری اب تک 60 سے زائد فلموں اور متعدد ٹی وی ڈراموں میں کردار ادا کر چکے ہیں۔شاندار اداکاری پر انہیں متعدد ایوارڈز سے بھی نوازا گیا ہے۔رچرڈ گیری مذہبی حوالے سے بدھ مت کے پیروکار ہیں، ابتدائی طور پر وہ میتھوڈسٹ مسیحی تھے۔متنازع مذہبی خیالات اور سیاسی نطریوں کی وجہ سے انہیں تنقید کا نشانہ بھی بنایا جاتا ہے۔رچرڈ گیری نے آسکر، اسکرین گلڈ اور گولڈن گلوب سمیت دیگر ایوارڈز جیت رکھے ہیں۔
