ماہرہ خان نے حمل کی خوشخبری سنا دی، جذباتی پیغام بھی شیئر کردیا
معروف پاکستانی اداکارہ ماہرہ خان نے مداحوں کو بڑی خوشخبری سناتے ہوئے اپنے دوسرے حمل کا اعلان کردیا ہے۔ اداکارہ نے سوشل میڈیا پر ایک خوبصورت تصویر شیئر کی، جس میں وہ سفید لباس میں اپنا بیبی بمپ نمایاں کرتی دکھائی دیں۔
ماہرہ خان نے تصویر کے ساتھ مختصر مگر جذباتی پیغام لکھا: "ہم منصوبے بناتے ہیں، پھر اللہ کا منصوبہ ہوتا ہے۔” ان کے اس اعلان کے بعد مداحوں اور شوبز شخصیات کی جانب سے مبارکبادوں اور نیک خواہشات کا سلسلہ شروع ہوگیا۔
رپورٹس کے مطابق یہ ماہرہ خان کی دوسری اولاد ہوگی۔ ان کے پہلے بیٹے اذلان ہیں، جبکہ ماہرہ خان نے اکتوبر 2023 میں کاروباری شخصیت سلیم کریم سے شادی کی تھی۔ سلیم کریم کے ساتھ یہ ان کی پہلی اولاد ہوگی۔
یہ خوشخبری ماہرہ خان کے ٹورنٹو انٹرنیشنل فلم فیسٹیول (TIFF) 2026 میں ڈیبیو کے موقع پر سامنے آئی، جہاں انہوں نے اپنے بیبی بمپ کے ساتھ شرکت کی۔
