گوجرخان میں مبینہ ملاوٹ شدہ دودھ کی فروخت جاری

گوجرخان (بیورو رپورٹ) گوجرخان شہر میں مبینہ طور پر ناقص اور غیر معیاری دودھ کی فروخت کا سلسلہ جاری ہے، جہاں شہریوں کے مطابق روزانہ دوسرے شہروں سے پلاسٹک کے ڈرموں اور بڑے ٹینکروں میں دودھ لا کر دکانوں اور گھروں میں فروخت کیا جا رہا ہے۔ شہریوں نے تشویش کا اظہار کرتے ہوئے کہا ہے کہ دودھ کے معیار اور صحتکے حوالے سے کوئی مثر چیک اینڈ بیلنس دکھائی نہیں دیتا، جبکہ اسسٹنٹ کمشنر کو آگاہ کرنے کے باوجود مبینہ طور پر تاحال کوئی مثر کارروائی سامنے نہیں آئی۔ ذرائع کے مطابق شہر میں ایک منظم نیٹ ورک کے ذریعے دودھ کی ترسیل اور فروخت جاری ہے، جس کے معیار کی جانچ ضروری ہے۔ شہریوں کا مطالبہ ہے کہ پنجاب فوڈ اتھارٹی اور مقامی انتظامیہ فوری طور پر دودھ کے نمونے حاصل کرکے مستند لیبارٹری سے ٹیسٹ کرائے اور ناقص یا ملاوٹ شدہ دودھ کی تصدیق ہونے پر ذمہ داروں کے خلاف قانون کے مطابق سخت کارروائی کی جائے۔ شہریوں نے وزیراعلی پنجاب سے بھی معاملے کا نوٹس لینے کی اپیل کرتے ہوئے کہا ہے کہ انسانی صحت سے متعلق اس اہم مسئلے پر فوری توجہ دی جائے تاکہ عوام کو معیاری اور محفوظ دودھ کی فراہمی یقینی بنائی جا سکے۔