اسلام آباد: (ویب ڈیسک)لالی ووڈ کے بعد بالی ووڈ میں بھی اپنی صلاحیتوں کا سکہ منوانے والی خوبصورت اداکارہ حمائمہ ملک کے بارے میں یہ تاثر زور پکرٹا جا رہا ہے کہ وہ رشتہ ازدواج میں منسلک ہو گئی ہیں۔معروف اداکارہ رمضان میں عمرہ کے لیے گئیں جہاں انٹرنیٹ پر شیئر کی گئی تصویر میں وہ مسجد نبوی میں ایک شخص کے ساتھ کھڑیق نظر آئیں۔ سعودی قوانین کے مطابق خاتون اپنے محرم کے بغیر سفر نہیں کر سکتی، تو کیا یہ شخص حمائمہ ملک کا محرم ہے؟فلم بول سے شہرت کی بلندیوں پر پہنچنے والی اداکارہ حمائمہ ملک کے ساتھ تصویروں میں دِکھائی دینے والے شخص کا نام مبینہ طور پر اکبر ڈھیڈی لیا جارہا ہے تاہم اس کے بارے میں کوئی اور تفصیل اب تک منظر عام پر نہیں آسکی۔حمائمہ ملک نے اس کے ساتھ اپنی سب سے پہلی تصویر نومبر میں انسٹاگرام پر شیئر کی تھی مگر اس وقت کسی نے ان دونوں کی تصویر پر اتنا دھیان نہیں دیا تھا۔
