بہار :آرایس ایس غنڈوں کا مسجد پر حملہ پتھراﺅ ،متعددزخمی ،علاقہ میں کشید گی

نئی دہلی(نیٹ نیوز) بھارتی ریاست بہار میں آر ایس ایس کے غنڈوں کی مسلمانوں کیخلاف اشتعال انگیزی سے علاقہ میں شدید کشیدگی پائی جاتی ہے مسجد پر پتھراﺅ کیا۔ تفصیل کے مطابق جہاں آباد میں درگاپوجا کے موقع پر دسہرہ کا جلوس آرہا تھا مگر منتظمین نے جلوس کا روٹ بدل کر رخ مسلمانوں کے علاقہ کی طرف موڑ دیا اور راستہ میں آنے والی مسجد پر پتھراﺅ کیا۔ پتھراﺅ کے وقت مسجد م یں نماز ظہر ادا کی جارہی تھی۔ آر ایس ایس کے جلوس کا روٹ تبدیل کرنے پر مسلم کمیونٹی نے شدید احتجاج کیا۔ پتھراﺅ سے متعدد افراد کے زخمی ہونے کی بھی اطلاع ہے۔ واقعہ کے بعد مسلمانوں میں شدید غم وغصہ کی لہر پائی جاتی ہے۔ مقامی پولیس ذمہ داروں کیخلاف کارروائی سے بھی گریز کر رہی ہے۔