مشترکہ مفادات کونسل کی جانب سے متفقہ طور پر ملک گیر ڈویلپمنٹ پراجیکٹ شروع کرنے کا فیصلہ کیا گیا ہے۔
تفصیلات کے مطابق وزیر اعظم عمران خان کی صدارت میں مشترکہ مفادات کونسل کا اجلاس ہوا جس میں خواتین اور بچوں میں غذائیت کی کمی دور کرنے کیلئے 350ارب کے منصوبے پر اتفاق کیا گیا ہے۔
اجلاس میں وزیراعظم کی جانب سے ہدایت کی گئی ہے کہ بچوں میں غذائیت کی کمی دور کرنے کیلئے منصوبے کی میعاد 2025تک ہو گی۔
دوران اجلاس فیصلہ کیا گیا ہے کہ بچوں میں سٹنٹنگ غذائی قلت کے خاتمہ کے لئے ملک گیر ڈیولپمنٹ پراجیکٹ لایا جائے گا جبکہ سٹنٹنگ کی روک تھام کےلئے 350 ارب روپے کی لاگت سے 5 سالہ پراجیکٹ ہوگا۔
اجلاس میں بتایا گیا ہے کہ وفاقی حکومت بچوں میں سٹنٹنگ کی روک تھام کےلئے 175 ارب فراہم کریگی جبکہ پراجیکٹ کے زریعے ڈیڑھ کروڑ خواتین اور 39 لاکھ بچوں کی غذائی قلت دور ہوگی۔
ملک میں توانائی کے بڑھتے مسائل دور کرنے کےلئے مشترکہ مفادات کونسل کا اگلا اجلاس آئندہ سال جنوری میں ہوگا جس میں بجلی گیس تیل پانی سے متعلق امور پر جنوری میں غور کیا جائیگا۔
