وینا ملک کو دھمکیوں سے تنگ آکر ہر جانے کا نوٹس دیا:اسد خٹک
شادی کے دو ماہ بعد طلاق دینے والا تھا،مولانا طارق جمیل اور دوستو ں نے صبر کا مشورہ دیا۔
مجھے گن پوائنٹ پر ایک گھر میں رکھا گیاوہاں وینا کے ساتھ 6,5آدمی تھے،بچوں کو خود پالا وینا وقت نہیں دیتی تھی۔ وزیراعظم ،چیف جسٹس بچوں کی حوالگی کا معاملہ حل کروائیں۔
اداکارہ وینا ملک اور ان کے شوہر کے درمیان خلع کے بعد بچوں کی حوالگی کا معاملہ شدت اختیار کر گیااس حوالے سے اسد خٹک چینل ۵ کے پروگرام”فورتھ پلر "میں وینا ملک کے خلاف حقائق منظر عام پر لے آئے۔انہوں نے بتایا کے وینا ملک کے جانب سے کافی عرصہ سے دھمکیاں دی جا رہی ہیں۔اور وینا ملک مختلف چینلز میں بیٹھ کر ان کی کردار کشی کر رہی ہیںجس سے تنگ آکر انہوں نے 50کروڑ ہر جانے کا نوٹس بھیجا ۔انہوں نے کہا کہ علیحدگی کے بعد بھی بچوں کی وجہ سے بیٹھا ہوںکہ کل وہ مجھے غلط نہ کہیں۔میں اپنی ذات کی حد تک تہمتیں برداشت کرتا رہا ہوں۔شادی کے دو ماہ بعد ہی جان گیا تھا کے یہ شادی نہیں چل سکتی وینا نے مجھ پر جسمانی حملہ بھی کیا،میں انہیں دو ماہ بعد ہی طلاق دینے والا تھاجس کے گواہ مولانا طارق جمیل ہیں۔وینا دوپٹہ لیں یہ نہ لیں یہ ان کا ذاتی فیصلہ ہے پر ایک شوہر ہونے کہ ناطے میں انہیں راہ راست پر لانے کی کوشش کرتا رہا۔مگر ایسا نہ ہو سکا،مولانا طارق جمیل اور ان کے دوستوں نے صبر کا مشورہ دیالیکن میں اپنے خاندان کی عزت برباد نہیں کرنا چاہتا تھا۔اسد خٹک نے بتایا کے انہوں نے وینا ملک کے طرف سے دی جانے والی دھمکیوں کی ریکاڈنگ جاری کی اور 7نومبر 2020کو انہیں نوٹس بھی بھیجااور ان کی دھمکیوں سے لگتا ہے کے ان کے پیچھے بہت بڑا ہاتھ ہے ےا وہ خود بہت بڑی بدمعاش ہیں۔میرے والی نے 66اور 71کی جنگ لڑی میری بہن آرمی پبلک سکول میں پڑھاتی رہی ہیں۔وینا ملک پاک فوج میں خدمات دینے والے کو دھمکیاں دے رہی ہیں۔وینا ملک نے خلع بھی مجھ سے دو نمبر طریقے سے لی۔2017میں مجھے امریکہ بھیجا تاکے میں وہا جا کر گھر خریدوں اور ہم وہاں منتقل ہو جائیں۔اس دوران انہوں نے خلع دائر کی اور انجان پتہ پر نوٹس بھجواتی رہیں۔30فروری 2017میں کراچی واپس آتے ہوئے وینا ملک کو سالگرہ پر سرپرائز دینے کے لیے آمد سے بے خبر رکھا مگر اپنے دوست وحید خان جو بول ٹی وی پر وینا ملک کے کو لیگ تھے انہوں نے فون کر کے پھول اور کیک بنوانے کا کہا۔وینا کی کوئی ایک تاریخ پیدائش بھی نہیں ہے۔روز قبل وینا ملک کا کہنا تھا کہ انہوں نے سابق شوہر اسد خٹک کو 50 کروڑ روپے ہرجانے کا قانونی نوٹس بھجوایا ہے تاہم اس کے جواب میں اسد خٹک نے کہا ہےکہ انہیں کوئی نوٹس نہیں ملا اور وہ دبئی سے وینا ملک کی گرفتاری کے وارنٹ جاری کرائیں گے۔وینا ملک کی جانب سے ہرجانہ نوٹس کے بیان کا جواب دیتے ہوئے اسد خٹک نے اپنی ٹوئٹ میں کہاکہ ’ وینا ملک اس بار مہربانی کرکے میرے حقیقی ایڈریس پر ہی نوٹس بھیجنا، دھوکہ دہی، جھوٹ فریب آپ کا پرانا پیشہ ہے، میرے ماں بہنوں کو قتل کی دھمکی اور میرے امریکی بچوں کو پاکستانی سفارتخانہ دبئی کی مدد سے سے غیر قانونی طریقے سے اغوا پر ریاست پاکستان کی خاموشی ایک سوالیہ نشان ہے؟اسد خٹک نے وینا ملک پر ٹوئٹر اکاؤنٹ ہیک کیے جانے کا الزام لگاتے ہوئے کہا کہ ’ زاہدہ بی بی عرف وینا ملک جو لوگوں کی پگڑیاں اچھالنے، غیراخلاقی گالم گلوچ دھمکیاں دینے اور غیر قانونی طور پر میرے بچوں کو اغوا اور ریاست پاکستان کی عزت کو پامال کرنے والی دن رات میرے سماجی اکاؤنٹس کو بلاک کرنے کی کوششیں کر رہی ہے، میری سچائی کوئی روک نہیں سکتا، میرے ساتھ اللہ ہے۔
