کورونا وائرس کا خطرہ(ویب ڈیسک) دبئی میں گھوڑوں کی ریس کا عالمی مقابلہ ملتوی کورونا کے پھیلاو کے خدشات کے پیش ِنظر دبئی میں منعقد ہونے والا گھوڑوں کی ریس کا عالمی مقابلہ بھی ملتوی کردیا گیا ہے۔عرب میڈیا کے مطابق دبئی ورلڈ کپ کی سپریم آرگنائزنگ کمیٹی کے اعلان کے مطابق کورونا وائرس کے پھیلاو¿ کے سبب گھوڑوں کی ریس کے عظیم ایونٹ کا 25 واں مقابلہ آئندہ سال تک کے لیے ملتوی کر دیا گیا ہے۔دبئی کی حکومت کی جانب سے جاری بیان میں کمیٹی کا کہنا ہے کہ “مقابلے کے تمام شرکاءکی صحت و سلامتی کی خاطر دبئی ورلڈ کپ کی سپریم آرگنائزنگ کمیٹی نے 25 ویں ایونٹ کو آئندہ برس تک ملتوی کرنے کا فیصلہ کیا ہے”۔دوسری جانب متحدہ عرب امارات کی وزارت صحت ، کمیونٹی پروٹیکشن اور نیشنل ایمرجنسی اینڈ کرائسس اتھارٹی نے تمام سمندری ساحلوں، تجارتی مراکز، شاپنگ مالز اور کھلی منڈیوں کو بند کرنے کا فیصلہ کیا ہے۔تاہم اس پابندی کا اطلاق مچھلی کی دکانوں ، سبزیوں، خوراک، ادویات اور گوشت فروخت کی دکانوں پر نہیں ہوگا۔وزارت صحت ، کمیونٹی پروٹیکشن اور نیشنل ایمرجنسی اینڈ کرائسز اتھارٹی نے بیان میں کہا ہے کہ فوڈ آو¿ٹ لیٹس “کوآپریٹو سوسائٹیز ، گروسری ، سپر مارکیٹ” اور فارمیسی کی دکانوں کو دو ہفتوں کے لیے جانچ پڑتال کے بعد کھولنے کی اجازت دی جائے گی۔اس کے علاوہ امارات میں ریستورانوں میں لوگوں کو ٹھہرانے پرپابندی عائد کر دی گئی ہے۔دریں اثناءمتحدہ عرب امارات کی شہری ہوا بازی کی جنرل اتھارٹی نے تمام پروازیں دو ہفتوں کے لیے معطل رکھنے کا اعلان کیا۔واضح رہے کہ متحدہ عرب امارات میں کورونا وائرس سے اب تک 198 افراد متاثر ہوچکے ہیں جن میں سے 2 افراد جاں بحق جبکہ 41 افراد صحت یاب ہوچکے ہیں۔

لاہور(ویب ڈیسک) مصباح الحق بطور کوچ عامر سہیل کومتاثر نہ کر پائے، سابق کپتان نے کہا کہ جس وقت وہ قومی کوچ بنے انھیں کسی اسکول ٹیم کی کوچنگ کرنا چاہیے تھی۔ سابق ٹیسٹ اوپنر عامر سہیل نے کہاکہ قومی ٹیم کا ہیڈ کوچ بنائے جانے سے قبل مصباح الحق کوچنگ کا قطعی طور پر کوئی تجربہ نہیں رکھتے تھے، اس مرحلے پر تو ان کو کسی اسکول کی کوچنگ قبول کرلینا چاہیے تھی۔انھوں نے کہا کہ پاکستان انٹرنیشنل معیار کے تقاضوں پر پورا اترنے والے بیٹسمینوں کی تلاش میں مشکلات کا شکار ہے، اس کے باوجود پی ایس ایل میں نئے بیٹنگ ٹیلنٹ کو صلاحیتوں کے اظہار کا زیادہ مواقع نہیں دیا جاتا، انھیں انٹرنیشنل معیار کی بولنگ کا مقابلہ کرتے ہوئے اپنی کارکردگی میں نکھار لانے کے اس پلیٹ فارم سے محروم رکھنا پاکستان کرکٹ کیلیے نقصان دہ ہے۔عامر سہیل نے کہا کہ محمد عامر نے جو کچھ کیااس کے باوجود اگر ان کی قومی ٹیم میں واپسی ہوسکتی ہے تو شرجیل خان کے حوالے سے کسی بحث میں نہیں پڑنا چاہیے،اگر پیسر کا کم بیک ہوسکتا ہے تو اوپنر کا کیوں نہیں۔

ممبئی(ویب ڈیسک) شرجیل خان کے معاملے پر محمد حفیظ کے موقف کی حمایت میں بھارت سے بھی آوازیں بلند ہونے لگیں۔سابق کرکٹر آکاش چوپڑا نے پاکستانی آل راونڈر کے کرپٹ کرکٹرز کے بارے میں موقف کو درست قرار دیا ہے، وہ کہتے ہیں کہ آپ 1، 2 باصلاحیت کرکٹرز سے محرومی تو برداشت کرسکتے ہیں لیکن ایمانداری کو جانے دیا تو پیچھے کچھ نہیں بچے گا۔ محمد حفیظ نے اوپنر شرجیل خان کے داغدار ماضی کی جانب اشارہ کرتے ہوئے سوال اٹھایا تھا کہ کیا صرف صلاحیت کی وجہ سے ان کے ماضی کو بھلا دیا جائے گا۔ اس پر پاکستان کرکٹ بورڈ کے چیف ایگزیکٹیو وسیم خان نے آل راونڈر کو خبردار کرتے ہوئے کہا تھا کہ وہ سلیکشن معاملات پر تبصرہ نہ کریں۔اس حوالے سے بھارت کے سابق کرکٹر آکاش چوپڑا نے کہاکہ حفیظ کو بات کرنے دیں، انھوں نے ایک اچھا نکتہ اٹھایا ہے، ان دنوں لوگ اس حوالے سے بات نہیں کرتے جوایک مسئلہ ہے، حفیظ درست کہہ رہے ہیں، انھوں نے اہم سوال اٹھایاکہ کیا چیز زیادہ اہم ہے ٹیلنٹ یا ایمانداری؟ میرے خیال میں آپ 1، 2 باصلاحیت کرکٹرز کا جانا برداشت کرسکتے ہیں لیکن اگر ایمانداری کو جانے دیا تو پھر پیچھے کچھ بھی نہیں بچے گا۔
چوپڑا نے مزید کہا کہ میں نے آئی پی ایل کے پہلے ایڈیشن میں نائٹ رائیڈرز میں حفیظ کیساتھ وقت گزارا، وہ فکسنگ جیسی چیزوں کو بالکل برداشت نہیں کرتے۔

لندن(ویب ڈیسک) کورونا وائرس کے حوالے سے انگلش فاسٹ بولر جوفرا آرچر کی6 برس پرانی ٹویٹ وائرل ہوگئی۔
جوفرا آرچر نے اگست 2014 کی ایک ٹویٹ میں کہا تھا کہ ’کوئی بھی جگہ کھلی نہیں ہوگی، وہ دن آنے والا ہے‘۔ ٹویٹر برادری اس ٹویٹ کو ’کورونا وائرس‘ کی پیشگوئی قرار دے رہی ہے، اس حوالے سے آرچر کو مختلف القابات بھی دیے جا رہے ہیں۔

ٹوکیو(ویب ڈیسک) کورونا وائرس اولمپک مشعل بھی بجھانے پر تل گیا، کینیڈا اور آسٹریلیا نے رواں برس ایونٹ میں اپنے ایتھلیٹس بھیجنے سے صاف انکار کردیا۔انٹرنیشنل اولمپک کمیٹی پر رواں برس 24 جولائی سے 9 اگست تک ٹوکیو میں شیڈول اولمپک گیمز کو ملتوی کرنے کیلیے دباو میں مسلسل اضافہ ہورہا ہے،جلد ہی اس کی قسمت کا فیصلہ ہوجائے گا، دیگر کھیلوں کی طرح عالمی وبا قرار پانے والا کورونا وائرس اب اولمپک مشعل بھی بجھانے پر تل گیا ہے۔کینیڈا اور آسٹریلیا نے واضح طور پر اپنے ایتھلیٹس رواں برس گیمز کیلیے بھیجنے سے انکار کردیا،کینیڈین اولمپک اور پیرالمپک کمیٹی کی جانب سے جاری کردہ اعلامیے میں کہا گیاکہ ” ہم نے فوری طور پر انٹرنیشنل اولمپک و پیرالمپک کمیٹی اور ورلڈ ہیلتھ آرگنائزیشن سے مطالبہ کیا ہے کہ گیمز کو ایک برس کیلیے ملتوی کیا جائے، ہم اولمپکس کو ری شیڈول کرنے میں اپنی پوری معاونت فراہم کریں گے، دنیا اس وقت ایک صحت کے عالمی بحران کے وسط میں موجود ہے جوکھیلوں سے زیادہ اہم ہیں‘۔آسٹریلین اولمپک کمیٹی نے اپنے بیان میں کہاکہ ’یہ بات واضح دکھائی دے رہی ہے کہ گیمزجولائی میں نہیں ہوسکیں گے، ہمارے ایتھلیٹس اب آئندہ برس موسم گرما میں ری شیڈول کیے جانے والے ٹوکیو گیمز کیلیے ہی تیاری کریں گے، اے او سی اس بات پر یقین رکھتی ہے کہ ہمارے ایتھلیٹس کو فی الحال اپنی اور اپنے اردگرد موجود لوگوں کی صحت پر توجہ دینے کی ضرورت ہے، انھیں اپنی فیملیز کے پاس واپس بھیجنے کیلیے متعلقہ فیڈریشنز کے ساتھ بات چیت جاری ہے۔برازیل اور سلوانیہ کی نیشنل اولمپک کمیٹیز نے بھی 2021 تک گیمز کو ملتوی کرنے کا مطالبہ کیا ہے،ناروے کی نیشنل باڈی نے واضح کیاکہ جب تک صحت کا موجودہ بحران قابو میں نہیں آتا وہ اپنے ایتھلیٹس ٹوکیو نہیں بھیج سکتے۔ دیگر ممالک کی مختلف اسپورٹس فیڈریشنز بھی ایونٹ کو ایک برس کیلیے ملتوی کرنے کے حق میں ہیں۔انٹرنیشنل اولمپک کمیٹی کے صدر تھومس باخ پہلے ہی واضح کرچکے کہ گیمز کے مستقبل کا فیصلہ کرنے کیلیے ممبرز سے بات چیت کا عمل شروع کیا جا چکا، البتہ انھوں نے اپنے تازہ انٹرویو میں واضح کیاکہ یہ معاملہ کافی پیچیدہ اور بہت سی چیزوں کو مدنظر رکھنا ہوگا۔میزبان جاپان کے وزیراعظم شینزو ایبے نے کہاکہ صورتحال روز بروز خراب سے خراب تر ہورہی ہے، اگر گیمز کو ان کی مکمل شکل میں منعقد کرنا ممکن نہیں ہوا تو پھر التوا کا آپشن موجود ہوگا، ہمیں اولمپک کے ایک بنیادی اصول ’ایتھلیٹ کی صحت سب سے پہلے‘ کو مدنظر رکھنا ہے۔دوسری جانب ٹوکیو 2020 کی مقامی کمیٹی کے سربراہ توشیرو موٹو نے کہاکہ ہم صورتحال پر نظر رکھے ہوئے ہیں تاہم فی الحال ہمارا پروگرام شیڈول کے تحت جاری رہے گا، اولمپک ٹارچ ریلے کا جمعرات کو فوکوشیما سے آغاز ہوگا۔