پاکستان (ویب ڈیسک)بھارت کا مشہور ترین گانا ’بے بی ڈول‘ گانے والی گلوکارہ کنیکا کپور کورونا وائرس کا شکر ہو گئیں۔گلوکارہ کنیکا کپور گزشتہ دِنوں امریکا سے بھارت واپس آئی تھیں جہاں انہو ں نے اپنا کورونا کا ٹیسٹ کروایا تھا اور ان کے ٹیسٹ کے نتائج پازیٹیو آئے تھے۔گلوکارہ نے کورونا ہونے کے باوجود لوگوں سے ملاقات کی اور پارٹیوں میں شرکت کی تھی، جب بھارتی پولیس کو یہ معلوم ہوا تو انہوں نے گلوکارہ کے خلاف مقدمہ درج کیا اور ان کا دوبارہ سے ٹیسٹ کروایا تب بھی رپورٹز میں کورونا ہی آیا۔ اب بھارتی پولیس ان لوگوں کو تلاش کر رہی ہے جن سے کنیکا کپور نے پارٹیوں میں ملاقات کی تھی۔گلوکارہ نےسماجی اربطے کی ویب سائٹ انسٹاگرام پر دو تصاویر شیئر کی تھیں جس میں ایک تصویر دنیا کی تھی جس نے ماسک پہنا ہوا تھا جبکہ دوسری تصویر بھارتی گلوکارہ کی تھی۔بھارتی گلوکارہ نے اپنی اِس پوسٹ کے کیپشن میں لکھا تھا کہ مجھے نزلہ زکام ہوا تھا جس کے بعد میں نے کورونا کا ٹیسٹ کیا اور میرے اِس ٹیسٹ کے نتائج مثبت آئے ہیں۔تصویر کی کیمشن میں گلوکارہ نے لکھا تھا کہ اب میں اور میرے تمام گھر والے قرنطینہ میں چلے گئے ہیں۔ گلوکارہ نے سب کو مشورہ دیا تھا کہ ’مہربانی کرکے آپ لوگ بھی تنہائی اختیار کریں اور اپنا خیال رکھیں لیکن اس پر خود نے عمل ہر گز نہیں کیا۔

پاکستان (ویب ڈیسک)بانڈ کی اداکارہ اولگا کریلنکو نے کورونا وائرس کو شکست دے دی ہے۔تفصیلات کے مطابق جیمز بانڈ کی فلم سیریز ‘کوانٹم آف سولس’ کی ہیروئن اولگا کریلنکو کا گزشتہ روز کورونا ٹیسٹ مثبت آیا تھا اور انہوں نے خود کو آئیسولیٹ کرلیا تھا۔ اداکارہ نے سماجی رابطے کی ویب سائٹ انسٹاگرام پر اعلان کیا کہ اب انہیں کورونا نہیں ہے۔جیمز بانڈ کی ہیروئن اور اب ادریس البا بھی کرونا کا شکاراولگا نے مہلک ترین وائرس کوویڈ 19 میں مبتلا ہونے سے متعلق اعلان انسٹاگرام پر کیا تھا اور کہا تھا کہ کرونا وائرس ٹیسٹ کی رپورٹ مثبت آنے کے بعد میں نے خود کو گھر میں (قرنطینہ) محصور کرلیا ہے۔اولگا نے بتایا تھا کہ ‘میں گزشتہ ایک ہفتے سے بیمار تھی اور مجھ میں وائرس کی علامات بخار اور تھکن بھی ظاہر ہورہی تھی جس کے باعث میں نے ٹیسٹ کروانے کا فیصلہ کیا جو مثبت آیا’۔ 40 سالہ اداکارہ اولگا کوریلینکو 2008 میں ریلیز ہونے والے جیمز بانڈ فلم کی سیریز کوانٹم سولس میں اپنے فن کا مظاہرہ کرچکی ہیں اس کے علاوہ انہوں نے میجک سٹی اور کئی ترکش ڈراموں اور فلموں میں بھی کام کیا ہے۔اداکارہ نے تاہم اب کورونا سے نجات حاصل کر لی ہے۔ گزشتہ روز ایک اور ہالی ووڈ اسٹار ادریس البا بھی کورونا وائرس کا شکار ہوگئے ہیں۔

لاہور(ویب ڈیسک)پاکستان کی معروف اداکارہ مایا علی نے کہا کہ بہت جلد تمام مسلمان ایک ساتھ اکٹھے ہوکر دوبارہ مسجد میں نماز پڑھیں گے۔تفصیلات کے مطابق اداکارہ مایا علی نے سماجی رابطے کی ویب سائٹ انسٹاگرام پر ایک تصویر پوسٹ ک جو فیصل مسجد کی ہے۔اداکارہ نے اپنی تصویر کی کیمشن میں بتایا کہ ’یہ تصویر کچھ دن پہلے کی ہے جب سب مسلمان ایک ساتھ مسجد میں نماز پڑھتے تھے۔مایا علی نے کہا کہ مجھے یقین ہے کہ انشااللّہ یہ دن بہت جلد واپس آجائیں گے کہ جب تمام مسلمان اکٹھے ہوکر نماز پڑھیں گے۔انہوں نے لکھا کہ ’اللّہ سے امید رکھیں اور گھبرائیں نہیں، وقت اگر پہلے جیسا نہیں رہا تو انشااللّہ وقت ایسا بھی نہیں رہے گا۔مایا علی، کورونا سے محفوظ رہنے کے لیے گھر کی صفائی شروع کردی مایا علی نے کہا کہ یہ وہ وقت ہے کہ جب ہمیں بحیثیت قوم ایک بننا ہے اور حکومت کے قائم کردہ احکامات پر عمل کرنا ہے۔ براہ مہربانی اپنی صحت کی خاطر اور دوسروں کی زندگیوں کی خاطر اپنے گھروں میں رہیں۔کورونا وائرس کے پھیلاو کو روکنے کے لیے حکومت پاکستان نے ملک بھر کی مساجد میں اکٹھے ہو کر نماز ادا کرنے پر بھی پابندی لگا دی ہے۔اس سے قبل کورونا وائرس سے محفوظ رہنے کے لی اداکارہ نے گھر کی صحفائی ستھرائی کا کام بھی شروع کر دیا تھا جس کی ویڈیو سوشل میڈیا پر وائرل بھی ہوئی تھی۔ پاکستان میں کورونا وائرس سے 918 لوگ متاثر ہو گئے ہیں۔

کراچی(ویب ڈیسک) دنیا بھر میں خوف اور دہشت کی علامت بننے والے جان لیواکورونا وائرس سے اپنے آپ کو محفوظ رکھنے کے لیے فنکاروں نے احتیاطاً خود کو گھروں میں قرنطینہ کرلیا ہے اور سوشل میڈیا پر لوگوں کو بھی احتیاطی تدابیر کے طور پر گھروں میں بند رہنے کی تاکید کرتے نظر آرہے ہیں۔ تاہم اس دوران فنکار سوشل میڈیا پر اپنی سرگرمیوں کی دلچسپ ویڈیوز بھی شیئر کررہے ہیں۔اداکار یاسر حسین اور اقرا عزیز کی ایک مزاحیہ اور کافی دلچسپ ویڈیو سوشل میڈیا پر وائرل ہورہی ہے جس میں یاسر اپنی بیوی اقرا کی چوٹی بناتے ہوئے نظر آرہے ہیں۔ ویڈیو میں اقرا عزیز کہہ رہی ہیں گھر میں بیٹھ کر ہم لوگ بوریت بھگانے کے لیے یہ کررہے ہیں اور یاسر حسین کہہ رہے ہیں بوریت کا یہ حال ہوگیا ہے۔سابق کرکٹر وسیم اکرم کی بھی ایک نہایت دلچسپ ویڈیو سوشل میڈیا پر وائرل ہورہی ہے جس میں ان کی بیٹی وسیم اکرم کے بالوں کی پونی بناکر ان کا ہیر اسٹائل بنارہی ہے اور وسیم اکرم بھی بڑے مزے سے اپنی بیٹی کا چشمہ لگائے اس سے ہیراسٹائل بنوارہے ہیں۔مایا علی نے سوشل میڈیا پر ایک ویڈیو شیئر کی تھی جس میں انہوں نے خود کو اپنے گھر میں قرنطینہ کیا ہوا ہے اور پورے گھر کی صفائی کرتی ہوئی نظر آرہی ہیں۔میزبان و اداکارہ جویریہ سعود کی سوشل میڈیا پر ایک ویڈیو وائرل ہورہی ہے جس میں وہ گھر میں اپنے دونوں بچوں کے ساتھ سوشل میڈیا پر وائرل ہونے والے لالا چیلنج کو پورا کررہی ہیں۔مارننگ شو کی میزبان ندا یاسر بھی اپنے شوہر یاسر نواز کے ہمراہ گھر میں وقت گزار رہی ہیں اور اس دوران دونوں میاں بیوی گھر کی صفائی کرنے میں مصروف ہیں۔ ویڈیو میں یاسر نواز کو گھر میں جھاڑو پونچھا لگاتے ہوئے دیکھا جاسکتا ہے۔

لاہور(ویب ڈیسک)اداکار ہمایوں سعید اور عدنان صدیقی نے کورونا ٹیسٹ کی رپورٹس آنے کے بعد ایک بار پھر خود کو قرنطینہ کرکے 14 دن سب سے الگ تھلگ رہنے کا فیصلہ کیا ہے۔ہمایوں سعید اور عدنان صدیقی نے چند روز قبل امریکا سے وطن واپسی پر کورونا وائرس کے خطرے کے پیش نظر گھر جانے کے بجائے ایک ہوٹل میں خود کو قرنطینہ کرلیا تھا۔ عدنان صدیقی نے سوشل میڈیا کے ذریعے لوگوں کو آگاہ کرتے ہوئے کہا تھا کہ ہم دونوں ایک مقامی ہوٹل میں ہیں اور 14 دنوں تک یہیں رہیں گے جب کہ ہمایوں سعید نے یہ بھی بتایا تھا کہ ان دونوں نے اپنا کورونا وائرس کا ٹیسٹ کروایا ہے اور رپورٹس کے منتظر ہیں۔اور اب ہمایوں سعید نے انسٹاگرام پر مداحوں کو اپنی اور عدنان صدیقی کی کورونا وائرس کی رپورٹس سے آگاہ کرتے ہوئے کہا کہ اللہ کا شکر ہمارا کورونا وائرس کا ٹیسٹ منفی آیا ہے۔ لیکن اس کے باوجود ہم اپنا 14 دن کا پیریڈ پورا کریں گے یعنی مزید 10 دن تک خود کو قرنطینہ میں رکھیں گے اور سب سے الگ تھلگ رہیں گے، اس کے علاوہ ہر طرح کی احتیاطی تدابیر اختیار کریں گے۔ آپ سب لوگوں کی محبتوں اور دعاوں کا شکریہ۔ گھر میں رہیں اور محفوظ رہیں۔