انسپکٹر جنرل (آئی جی) اسلام آباد پولیس عامرذوالفقار کو تبدیل کردیا گیا۔
وفاقی دارالحکومت میں مبینہ جعلی مقابلے میں نوجوان اسامہ ستی کی ہلاکت کے چار دن بعد آئی جی اسلام آباد کا تبادلہ کردیا گیا۔ دو جنوری کو اسلام آباد میں مشکوک مقابلے کے نتیجے میں اسامہ ستی کی ہلاکت سے پہلے بھی قتل اور ڈکیتی سمیت جرائم کی کئی وارداتیں ہوئی تھیں۔
ان کی جگہ قاضی جمیل الرحمان نئے آئی جی اسلام آباد تعینات کردیے گئے ہیں۔
جمیل الرحمان کی بطور نئے آئی جی اسلام آباد تعیناتی کا نوٹیفکیشن جاری کر دیا گیا ہے۔ قاضی جمیل الرحمان اس سے پہلے خیبرپختونخوا میں اپنے فرائض انجام دے رہے تھے۔
