امریکا کچھ شرائط پر راضی ہےتہران آبنائے ہرمز میں بارودی سرنگ سے ٹکرانے کے بعد سپر ٹینکر میں آگ لگ گئی

تہران ابط امریکہ کچتہران ( نیوز ایجنسیاں) ایرانی قومی سلامتی کونسل کے سیکرٹری محسن رضائی نے دعویٰ کیا ہے کہ امریکا ایران کی 7 میں سے کچھ شرائط پر راضی ہوگیا ہے، لیکن ہم امریکی ردعمل کو ناکافی سمجھتے ہیں۔ایرانی وزارتِ خارجہ کے ترجمان اسماعیل بقائی نے کہا ہےکہ آبنائے ہرمز کی بندش امریکا اور اسرائیل کی جانب سے ایران پر کیے گئے حملوں کا ردِعمل تھی، دباؤ ڈالنے کا حربہ نہیں۔ادھر آبنائے ہرمز میں بارودی سرنگ سے ٹکرانے کے بعد سپر ٹینکر جہاز میں آگ لگ گئی۔ایرانی قومی سلامتی کونسل کے سیکرٹری محسن رضائی نے دعویٰ کیا ہے کہ امریکا ایران کی سات میں سے کچھ شرائط پر راضی ہوگیا ہے، لیکن ہم امریکی ردعمل کو ناکافی سمجھتے ہیں۔میڈیارپورٹس کے مطابق انہوں نے کہا کہ ایرانی سفارت کاری کا انداز بدل چکا ہے۔ اور اب جنگ سے پہلے کی صورتحال کی طرف واپسی نہیں ہوگی۔محسن رضائی کا کہنا تھا کہ ایران کو فتح کرنے کے خام خیالی میں مبتلا امریکی صدر ٹرمپ نے نیتن یاہو کے دھوکے میں آ کر انسانی تاریخ کی احمقانہ ترین جنگوں میں سے ایک کا آغاز کیا ۔انہوں نے کہا کہ اب، جب امریکی بحری بیڑا آبنائے ہرمز کو دوبارہ کھولنے میں ناکام رہا ہے، تو انہوں نے سمگلنگ کا سہارا لیا ہے۔محسن رضائی نے طنز کرتے ہوئے کہا کہ امریکی فوج کبھی اتنی ذلت آمیز حد تک نہیں گری تھی۔دریں اثناء ایرانی وزارتِ خارجہ کے ترجمان اسماعیل بقائی نے کہا ہے کہ امریکا اور اسرائیل کی جانب سے ایران پر کیے گئے حملوں کے ردِعمل میں آبنائے ہرمز کی بندش کی گئی ہے۔انہوں نے پریس بریفنگ کے دوران کہا کہ آبنائے ہرمز کی بندش کسی فریق پر دبائو ڈالنے یا اسے رعایتیں دینے پر مجبور کرنے کے لیے نہیں کی گئی۔اسماعیل بقائی نے کہا کہ ہم نے یہ اقدام بین الاقوامی قانون کے مطابق کیا ہے۔انہوں نے امریکی بحری ناکہ بندی کو جارحیت قرار دیتے ہوئے کہا کہ جب تک امریکا اپنی بحری ناکہ بندی جاری رکھے گا، آبنائے ہرمز میں سلامتی بحال نہیں ہو سکے گی۔ایرانی ترجمان نے کہا کہ امریکی جو کچھ کہتے ہیں، وہ زمینی حقائق سے مطابقت نہیں رکھتا۔انہوں نے کہا کہ امریکا کے ساتھ ثالثوں کے ذریعے پیغامات کا تبادلہ جاری ہے، ایرانی تجویز پر امریکی جواب کا جائزہ لیا جا رہا ہے، جائزہ مکمل ہونے پر ثالثوں کے ذریعے جواب دیں گے۔ترجمان ایرانی وزارتِ خارجہ نے یمنی تنازع کے مذاکرات کے ذریعے حل پر زور دیتے ہوئے کہا کہ یمن تنازع کو روڈ میپ پر عمل درآمد کے ذریعے بہت پہلے ہی حل ہو جانا چاہیے تھا۔قبل ازیں آبنائے ہرمز میں بارودی سرنگ سے ٹکرانے کے بعد سپر ٹینکر جہاز میں آگ لگ گئی۔میڈیارپورٹس کے مطابق ایران کا کہنا تھا کہ خام تیل لے جانے والے اس سپر ٹینکر نے اپنے تمام نیویگیشن سسٹمز بند کر دیے تھے اور وہ غیر قانونی راستے سے آبنائے سے باہر نکلنا چاہتا تھا۔پاسداران کا دعویٰ ہے کہ ہفتے کے روز سے اب تک یہ تیسرا سپر ٹینکر ہے جو ہرمز میں غیر مجاز راستے سے گزرتے ہوئے بارودی سرنگ سے ٹکرایا اور اس میں آگ لگ گئی۔ پاسدارانِ انقلاب نے واقعے کی وڈیو جاری کر دی۔ایرا نی پاسدارانِ انقلاب نے خبر دار کیا کہ آبنائے ہرمز میں جو بھی جہاز اپنے نیویگیشن اور پوزیشننگ سسٹمز بند کرے گا، اسے دشمن کا ہدف سمجھا جائے گا اور اس کے خلاف سخت اور فیصلہ کن کارروائی کی جائے گی۔
تہران