پاکستانی شوبز شخصیات میں غیر ملکی ڈراموں اور خصوصی طور پر ’ارطغرل غازی‘ کو پاکستان ٹیلی وژن (پی ٹی وی) پر نشر کرنے کے معاملے پر اس وقت سے ہی بحث و تکرار جاری ہے جب سے اس ڈرامے کو پاکستان میں نشر کیا جا رہا ہے۔
ڈرامے کو سرکاری ٹی وی سے نشر کیے جانے پر جن شوبز شخصیات نے سخت برہمی کا اظہار کیا، ان میں یاسر حسین بھی شامل ہیں۔
یاسر حسین نے شروع سے ہی اس ڈرامے کو پی ٹی وی پر نشر کرنے کی مخالفت کی اور اب ان کا اس حوالے سے نیا بیان سامنے آیا ہے۔
اداکار یاسر حسین نے گزشتہ برس نہ صرف ترک ڈرامے کو پی ٹی وی پر نشر کرنے کی مخالفت کی تھی بلکہ وہ ڈرامے کی اداکارہ اسرا بلگیچ کو پاکستانی کمپنیوں کا برانڈ ایمبیسڈر مقرر کرنے کے بھی خلاف تھے۔
علاوہ ازیں یاسر حسین مختلف اوقات میں ارطغرل غازی اور ان کی کاسٹ کو پاکستان میں حد سے زیادہ سراہنے پر بھی ان پر تنقید کرتے رہے اور انہوں نے ستمبر میں بھی ترک اداکاروں کو مبہم انداز میں تنقید کا نشانہ بنایا تھا۔
وہ ارطغرل غازی اور ان کی کاسٹ کو پاکستان میں حد سے زیادہ سراہنے پر بھی ان پر تنقید کرتے آئے ہیں۔
اور اب ان کا ایک نیا بیان سامنے آیا ہے کہ انہیں ترک ڈرامے ارطغرل غازی سے کبھی کوئی مسئلہ نہیں رہا۔
ٹائم آؤٹ ود احسن خان میں ترک ڈرامے ارطغرل غازی سے متعلق یاسر حسین نے کہا کہ میرا تو ‘ارطغرل’ سے آج تک کوئی مسئلہ نہیں رہا، میرا مسئلہ تو پاکستان ٹیلی ویژن (پی ٹی وی) سے ہے۔
