پاکستان تحریک انصاف (پی ٹی آئی) کے سینیٹر فیصل جاوید خان نے کہا ہے کہ وزیراعظم عمران خان آج شام قوم سے خطاب کریں گے۔
سماجی رابطے کی ویب سائٹ ٹوئٹر پر جاری اپنے ایک بیان میں پی ٹی آئی کے رہمنا سینیٹر فیصل جاوید خان نے یہ اعلان کیا۔
ٹوئٹر پر جاری اپنے بیان میں سینیٹر فیصل جاوید خان کا کہنا تھا کہ وزیراعظم عمران خان آج شام قوم سے خطاب کریں گے، انشااللہ، وزیراعظم عمران خان اپنی قوم کے لیے ڈٹ کر کھڑے ہیں اور انشاء اللہ فتح پاکستان کی ہے – قتح اس قوم کی ہے فتح کپتان کی ہے –
پاکستان میں حکومت کی تبدیلی کی عالمی سازش پر کابینہ کو اعتماد میں لینے کے لیے وزیراعظم نے کابینہ کا ہنگامی اجلاس طلب کرلیا ہے۔
وزیراعظم عمران خان کی زیر صدارت ہونے والے ہنگامی اجلاس میں اتحادی جماعتوں کے سربراہاں بھی خصوصی دعوت پر شامل ہوں گے، اجلاس میں کابینہ کے اراکین اور شرکاء کو مراسلے کے حوالے سے اعتماد میں لیا جائے گا۔
دوسری جانب وفاقی وزیرداخلہ شیخ رشید نے کہا ہے کہ ممکن ہے وزیراعظم شام کو قوم سے خطاب کریں، وزیراعظم عمران خان کا شام کو قوم سے خطاب کر نے کا امکان ہے۔
وزیرداخلہ شیخ رشید کا میڈیا سے گفتگو کرتے ہوئے مزید کہنا تھا کہ سیاست شروع ہوگئی ہے ،وزیراعظم سنیئر صحافیوں سے ملاقات کررہے ہیں، وزیر اعظم عمران خان آخری بال تک کھیلیں گے ،انتظار کریں سب کچھ سامنے آجائے گا
