نیتن یاہو مزید 1 منٹ بھی اسرائیلی وزیراعظم رہنے کے اہل نہیں، اپوزیشن رہنمائوں کا مستعفی ہونیکا مطالبہ

تل ابیب(ویب ڈیسک)اسرائیلی اپوزیشن رہنماں نے اسرائیلی صیہونی وزیراعظم نیتن یاہو کو نااہل قرار دیتے
ہوئے ان سے مستعفی ہونے کا مطالبہ کردیا۔ اسرائیلی اخبارکی جانب سے اپنیصحافیوں کی شائع ہونے والی کتاب کے ایک اقتباس پر مبنی رپورٹ جاری کی گئی ہے جس میں بتایا گیا کہ متحدہ عرب امارات نے7 اکتوبر 2023 کو حماس کے حملے سے پہلے نیتن یاہوکو خبردار کر دیا تھا۔رپورٹ میں بتایا گیا ہے کہ اماراتی صدر محمد بن زاید النہیان نے حملے سے ڈیڑھ ہفتہ قبل نیتن یاہو سے بات کی تھی اور نیتن یاہو کو آگاہ کیا تھاکہ حماس بڑے آپریشن کی منصوبہ بندی کر رہی ہے۔ امارات کی جانب سے7 اکتوبرکے حملے سے خبردار کیے جانیکی رپورٹ کے بعد اسرائیلی وزیراعظم نیتن یاہو شدید تنقید کی زد میں ہیں، اسرائیلی اپوزیشن رہنماں کا مطالبہ ہے کہ نیتن یاہو عہدے کے لیے نااہل ہیں، اس لیے فوری طور پر مستعفی ہو جائیں۔سابق اسرائیلی وزیراعظم نفتالی بینیٹ نے کہا کہ 7 اکتوبرحملیکی براہ راست ذمہ داری نیتن یاہو پر عائد ہوتی ہے، نیتن یاہو ایک منٹ کے لیے بھی اپنے عہدے پر مزید نہیں رہ سکتے۔