ملتان (مانیٹرنگ ڈیسک) حکومت نے پٹرول
اور ڈیزل کی قیمتوں میں مزید اضافہ کردیا۔ حکومت کی جانب سے پٹرول کی فی لٹر قیمت میں3 روپے 40 پیسے کا اضافہ کیا گیا ہے جس کے بعد پٹرول کی نئی قیمت 367روپے 75پیسے فی لٹر مقررکی گئی ہے۔ حکومت نے ڈیزل کی قیمت میں بھی 6 روپے 72 پیسے اضافہ کیا گیا ہے جس کے بعد ڈیزل کی نئی قیمت 392 روپے 67 پیسے فی لٹر مقرر کی گئی ہے۔ اس حوالے سے جاری ہونے والے نوٹیفکیشن کے مطابق پٹرول اور ڈیزل کی نئی قیمتیں 10 ستمبر کے لیے ہیں۔ پٹرولیم ڈویژن کے اعداد و شمار کے مطابق گزشتہ3 روز میں پٹرول 21 روپے 88 پیسے فی لٹر مہنگا کیا گیا جبکہ ڈیزل کی قیمت 3 روز میں 14 روپے 62 پیسے فی لیٹر بڑھی۔نوٹیفکیشن جاری کردیا گیا۔ نیشنل الیکٹرک پاور ریگولیٹری اتھارٹی(نیپرا) نے مہنگائی کے مارے عوام پر بجلی بم گراتے ہوئے بجلی مزید مہنگی کردی ہے۔وفاقی حکومت سے منظوری کے بعد نیپرا نے ایک ہفتے کے دوران دوسری بار بجلی مہنگی کرنیکا نوٹیفکیشن جاری کردیا ہے۔ نیپرا کی جانب سے جاری نوٹیفکیشن کے مطابق سہ ماہی ایڈجسٹمنٹ کے تحت بجلی 52 پیسے فی یونٹ مہنگی کی گئی ہے۔ نوٹیفکیشن کے مطابق بجلی رواں سال کی دوسری سہ ماہی ایڈجسٹمنٹ کے تحت مہنگی کی گئی ہے۔ نوٹیفکیشن کے مطابق بجلی صارفین پر 12 ارب 67 کروڑ روپیکا اضافی بوجھ پڑے گا۔ بجلی صارفین سے ستمبر، اکتوبر اور نومبرکے بلوں میں اضافہ وصول کیا جائیگا۔نیپرا کی جانب سے جاری نوٹیفکیشن کے مطابق صارفین سے 3 ماہ تک ہرماہ 52 پیسے فی یونٹ اضافہ وصول کیا جائیگا۔ اضافے کا اطلاق کے الیکڑک سمیت ملک بھرکے صارفین پر ہوگا۔ پٹرولیم قیمتیں
