ٹیسٹ چیمپئن شپ: ٹاپ فائیو سنچری اننگز، بابر اعظم پہلے نمبر پر

آئی سی سی نے ٹیسٹ چیمپئن شپ میں ٹاپ فائیو سنچری والی اننگز جاری کر دیں۔ بابر اعظم پہلے، محمد رضوان دوسرے اور کریگ بریتھویٹ تیسرے نمبر پر رہے۔
2023 تک کے سیزن کی فاتحانہ اننگز کی درجہ بندی کر دی گئی۔ آسٹریلیا کے خلاف کراچی ٹیسٹ میں ایک سو چھیانوے رنز کی سپر اننگز کھیلنے والے قومی کپتان بابر اعظم سرفہرست ہیں، یہ میچ تو پاکستان نہ جیت سکا لیکن ٹاپ آرڈر بلے باز نے سب کے دل موہ لیے۔
اسی ٹیسٹ میں 506 رنز کے ہدف کا تعاقب کرتے ہوئے محمد رضوان کے 106 رنز کی اننگز دوسری نمبر کی قرار پائی۔ بابائے کرکٹ انگلینڈ کے خلاف وِنڈی بیٹر کریگ بریتھویٹ کے 160 رنز بھی آئی سی سی کی یادگار اننگز میں شامل ہوگئے۔