ملکی سطح پر سونے کے نرخوں میں معمولی کمی

کراچی: (ویب ڈیسک) بین الاقوامی بلین مارکیٹ میں فی اونس سونے کی قیمت 9 ڈالر کی کمی سے 1895 ڈالر کی سطح پر پہنچنے کے باعث مقامی صرافہ مارکیٹوں میں بدھ کو فی تولہ اور دس گرام سونے کی قیمتوں میں بالترتیب 150 روپے اور 128 روپے کی کمی ہوئی ہے۔
جس کے نتیجے میں کراچی، حیدرآباد، سکھر، ملتان، لاہور، فیصل آباد، راولپنڈی، اسلام آباد، پشاور، اور کوئٹہ کی صرافہ مارکیٹوں میں فی تولہ سونے کی قیمت گھٹ کر ایک لاکھ 32 ہزار روپے اور فی دس گرام سونے کی قیمت گھٹ کر ایک لاکھ 13 ہزار 169 روپے کی سطح پر آگئی۔
تاہم اسکے برعکس فی تولہ چاندی کی قیمت بغیر کسی تبدیلی کے 1510روپے اور دس گرام چاندی کی قیمت بھی بغیر کسی تبدیلی کے 1294.58 روپے کی سطح پر مستحکم رہی