بیت اللہ میں ڈرامے کی پروموشن؛ مصری اداکارہ تنقید کی زد میں آگئیں

مصری اداکارہ کی جانب بیت اللہ (کعبہ) کے اندر ڈرامے کی پروموشن سے سوشل میڈیا پر غم و غصے کی لہر دوڑ گئی۔
غیرملکی میڈیا رپورٹس کے مطابق مصری اداکارہ روجینا نے حال ہی میں سماجی رابطے کی سائٹ ٹوئٹر پر خانہ کعبہ کے ساتھ فوٹو شیئر کی، جس میں انہوں نے کہا کہ وہ اپنی نئی رمضان سیریز کی شوٹنگ حرم مکی کے اندر کرنے کا ارادہ رکھتی ہیں، اس بیان پر بیت اللہ میں فن کی ترویج کی سوچی سمجھی کوشش قرار دے کر انہیں تنقید کا نشانہ بنایا جا رہا ہے۔
انسٹاگرام پر اپنے اکاؤنٹ کے ذریعے ’مسجد حرام میں خانہ کعبہ کے قریب اپنی ایک تصویر پوسٹ کی۔ تصویر میں انہیں اپنا اسمارٹ فون ہاتھ میں پکڑے دیکھا جاسکتا ہے جس میں انہوں نے رمضان کے مہینے میں اپنی اگلی سیریز کے لیے ایک “پوسٹر” آویزاں کیا ہے‘۔
سوشل میڈیا صارفین کا کہنا ہے کہ روجینا کے اس اقدام کا مقصد اپنے فن کو فروغ دینے کی کوشش ہے۔
صارفین نے اپنے پیغامات میں لکھا کہ ’حرم شریف مقدس عبادت گاہ ہے۔ آپ کی عمر میں کسی ہالی ووڈ یا بالی ووڈ اداکار کو چرچ یا مندر کے اندر اپنی فلم کا اعلان کرتے دیکھا ہے! کیوں؟ کچھ عربوں کے پاس بیت اللہ کی حرمت نہیں ہے اور آپ جیسے لوگ کعبہ شریف میں بھی اپنے فن کی تشہیر کرتے ہیں۔
ایک اور خاتون صارف نے لکھا کہ دنیا حرم میں رہتے ہوئے فوٹو گرافی کی جنون میں مبتلا ہے، یقیناً اکثریت کو اس جگہ کی حرمت و تعظیم کا کوئی خیال نہیں‘۔
واضح رہے کہ مصری اداکارہ عمرہ ادائیگی کے لیے مکہ المکرمہ میں موجود ہیں۔