اسلام آباد: (ویب ڈیسک) اس سال قطر میں ہونے والے فٹ بال ورلڈ کپ کی ٹرافی آئندہ ماہ پاکستان کا ٹور کرے گی ،ٹرافی 7جون کو اسلام آباد پہنچے گی۔
فیفا ترجمان کا کہنا تھا کا فیفا ورلڈ کپ ٹرافی ٹور پر مجوعی طور پر 51ملکوں کا دورہ کرے گی جس میں پاکستان بھی شامل ہے ،یہ مسلسل دوسرا موقع ہوگا کہ فیفا ورلڈ کپ ٹرافی پاکستان کا رخ کرے گی۔ اس سے قبل بھی 2018 میں یہ ٹرافی لاہور لائی گئی تھی۔ ٹرافی کے ہمراہ فرانس کے فٹبال ورلڈ کپ ونر کرسٹن کیرمبایو بھی پاکستان آئے تھے جنہوں نے ٹرافی کو نمائش کیلئے پیش کیا تھا۔
فیفا قوانین کے مطابق اس ٹرافی کو تھامنے کا حق یا تو ورلڈ کپ جیتنے والے کھلاڑی یا فیفا صدر یا پھر سربراہان مملکت کو ہی ہے۔
فٹبال ورلڈ کپ کے ٹرافی ٹور کا آغاز گزشتہ روز ہوا جب دبئی میں ایکر کیسیاس اور کاکا نے ٹرافی کو عوام کے سامنے نمائش کیلئے پیش کیا۔
